Dialogues from Movies for Parties

Ishq jab ek taraf hoye toh sazaa deta hai ... aur jab dono taraf hoye toh mazaa deta hai

Jab koi bulbul qaid ho jaati hai ... toh uski tadap usse aur bhi khoobsurat bana deti hai

Isse main hazar tarah se, hazar baar, hazar maut maaroonga

Mann ke haare haar hai ... aur mann ke jeete jeet

Main woh keeda hoon joh ek baar jism se lag jaye ... toh poora khoon choosne ke baad hi chhodta hai

Dard ka ehsaas jinhe hota hai ro sakte hai ... gair ke ashq bhi daaman ko bhigo sakte hai ... neend aati nahi phoolon pe akalmandon ko ... prem deewane toh kaanton pe bhi soo sakte hai

Ladki jab ek baar suhag ka joda pehenle aur uski shaadi na ho ... toh wohi joda uske liye kafan ban jaata hai

Main samajhti thi ki shaadi do insaano mein hoti hai ... lekin tumhare pitaji se pata chala ki shaadi ek insaan ki doosre insaan ke saath nahi ... ek bank balance ki doosre bank balance ke saath, ek haisiyat ki doosre haisiyat ke saath, ek rutbe ki doosre rutbe ke saath hoti hai

Amir aadmi kabhi kabhi itna gareeb hota hai ... ki uske paas paise ke sivah aur kuch nahi hota hai

Jab main aankhen bandh karti hoon aapki tasveer mere samne aati hai ... jab main saans leti hoon aapki khushboo aati hai ... jab main soo jaati hoon aap mere sapno mein aa jaate hai

Dosti do tareekon se hoti hai ... ya toh bachpan mein saath khelen ho ... ya sirf pehli mulaqat mein

Parampara ko na koi talwar kaat sakti hai, na koi aag jala sakti aur na waqt badal sakta hai

Band karo yeh yudh ... is yudh ki jeet mein bhi haar hai aur haar mein bhi haar hai

Main sirf teri jaan lena nahi chahta ... main yeh chahta hoon ki tu tadap tadapkar mare ... guzarne waala har pal tujhse kahe ki yamdoot tere peeche peeche aa rahe hai

Jaako raakhe saaiya maar sake na koi ... aur jaako maare saaiya usse bacha sake na koi

Peetal par sone ka pani chadene se ... peetal sona nahi ban jaata

Khoobsurat ladkiyan aur machliyan ek jaisi nahi hoti ... unhe pakadne ke liye kuch aaisi chaalein chalni padti hai, jisse woh pakad mein aa jaye ... aur agar woh na aaye toh khud unke paas jaana padta hai

Tumne mere bhai ke jism se jitne khoon ke katre bahaye hai ... main tumhare jism ko cheerkar utne hi hisson mein baant doonga

Ek maa ki fariyad jab woh dil cheerkar, aasunyon se nahakar nikalti hai ... toh joh cheez aag aur tezaab se jalti ... usse jala deti hai

Jab kuch karne aur na karne dono mein hi risk ho ... toh kuch karna hi achcha hota hai

Kaali billi bhi agar mera rasta kaat jaye toh mujhe kuch nahi hoga ... balki woh mar jayegi

Shyam hote hi tanhaiyan mujhe til-til maarne lagti hai ... aaise mein agar koi saathi saath na ho, toh aasoon bhi gale mil-mil behne lagte hai

Saanp apne dushman ki tasveer apni aankhon mein utaar leta hai ... Bond apne dushmanon ka nishaan apne baazu saja leta hai ... apna apna style hai

Maine aasoon bechkar daulat nahi kamai ... joh aasoon dekhkar daulat luta doon

Hum ahl-e-ishq hai, teer aur talwar se nahi darte ... nazar bhar dekh lo zalim toh khud hi mar jaayein

Wafa ki aag hum zalim tere dil mein laga denge ... kasam teri kisi din ishq karna bhi sikha denge

Main yoon hi bekhudi mein keh gaya hoon dilruba tumko ... khuda ka khauff na hota toh keh deta khuda tumko

Naam hai ishq mera, husn ka deewana hoon ... kabhi bhanwara kabhi bulbul, kabhi parwana hoon ... mere hi dum se haseeno mein mohabbat jaagi ... naaz-o-andaz-o-adashokhi shararat jaagi ... jab haseen log mera naam liya karte hai ... dono haathon se jigar thaam liya karte hai ... phir bhi tanhai ka ehsaas liye phirta hoon ... ek dariya hoon magar pyaas liye phirta hoon

Pyar ke mamle mein aur khane ke mamle mein ... doosre ki marzi mein apni marzi ki taang nahi adana chahiye

Agar sharifon ki betiyon ke liye pati ka ghar puja ka mandir hai ... toh tawaifon ki betiyon ke liye toh pati ka ghar na jaane kitne mandiron ki pujaon ka phal hai

Haai gul-e-gulzar, jaan-e-bahar ... vaise kaafi ho vazandar

Tawaif aur titli mein koi farak nahi hota ... titli bhi ek phool par nahi tikti aur tawaif ek mard par