Dialogues from Movies for Parties

Jiski zaroorat ussoolon se badi hoti hai ... woh na nahin bol sakta

Aankh se kajal wohi nikaal sakta hai ... joh aankhon mein basa ho

Aaj ke zamaane mein andhere ke saath saath shaitan sadak par utar aata hai

Kamal keechad mein rehta hai ... lekin chadaya bhagwan ke charano mein hi jaata hai

Kamal ka ghar keechad mein hota hai ... lekin keechad mein ghar banana kamal ki khwahish nahi ... majboori hai

Ladki kitni bhi modern ho ... saree pehne toh sharma hi jaati hai

Sagai ke din ladka na aaye toh ek baap ke dil par kya guzarti hai ... yeh sirf ek ladki ka baap hi janta hai

Main woh khota sikka hoon ... joh dikhne mein toh ek anni hai lekin chalne mein rupaiya hai

Jis ghar sansar ki gaadi udhaar ke paiyon pe chalti hai ... woh subah shyam puncture hoti chali jaati hai

Bhookha rehkar aadmi ek baar marta hai ... lekin udhaar ki roti khakar baar baar marta hai ... hazaar baar marta hai

Ghatiya sawaal poochna bahut aasaan hai ... lekin unka jawaab dena bahut mushkil ... joh tum jaisa ghatiya aadmi bhi nahi de sakta

Jab tab ungli tedhi na karo, dibbe mein se ghee nahi nikalta ... aur jab tak tedha rasta na pakdo, bhigda hua sahi raste par nahi aata

Daulat waalon ki duniya mein baimaani ka daakhla band hai ... baimaani agar aati hai toh noton ka naqab audkar imaandari ban jaati hai

Aksar desi aankhon par videshi chasma lagane se ... dimaag mein charbi chad jaati hai

Joh bhi kaam mile usse kar lena chahiye ... kaam koi chota nahi hota ... chota hota hai aadmi, uska dil, uski kartoot

Haath woh kalam hai joh aakash ke kagaz pe likhi hui taqdeer ko badal sakta hai

Badi tedhi hai yeh duniya ... yahan haqdaar ko bhi apna haq bheek ki tarah maangna padta hai ... anpad naukri maangne jaye toh usse degree lane ke liye kehte hai ... degree lekar jaye toh waseela lane ke liye kehte hai ... aur waseelay ke liye kisi ke paas jaye toh rishvat maangte hai

Is sansar mein bheek le lo magar udhaar kabhi mat lo ... kyun ki bheek leke aadmi ek baar zaleel hota hai ... magar udhaar maangke subah shyam zaleel hota hai

Badhon ke mooh se nikli hui gaaliyan ... choton ko dua bankar lagti hai ... joh badhon ki daant kha leta hai ... woh zindagi ki thokarein nahi khata

Aankhon se ojhal hone ka dukh toh aadmi sehan kar sakta hai ... kyun ki us mein jeevan ki ek dhara behti rehti hai ... lekin jeevan jab mrityu ka roop dharan kar leta hai ... toh sari ashaon ka anth ho jaata hai

Yeh charon aur phaili hui dharti par rehne waale logon ki kewal ek hi jaat hai ... manushya jaat

Jiske mann mein vasna ho ... woh har kisi ko vasna ke adhin samajhta hai

Karam karna manav ka dharam hai ... aur uska phal dena bhagwan ke haath mein hai

Jab koi apradh vichar kiye bina kiya jaata hai ... usse bhool kehte hai ... lekin vichar ke saath kiya hua apradh ... nishchit apradh hi kehlata hai

Is sansar mein koi manav poorna buddhiman nahi hota ... Brahma srishti rachate hai, Vishnu uski raksha karte hai aur Shiv usko nasht karte hai

Gyan aur agyan mein antar hi kya hai ... kewal ek akshar ka ... lekin arth mein satyug aur kalyug ka sa bedh hai

Jaise hi fasal pak jaye toh rakhwaale ki zaroorat hoti hai ... vaise hi ladki jawan ho jaye toh gharwaale ki zaroorat hoti hai

Chadte tave ke upar agar do teen rotiyan faltu pakayi jaaye toh koi harz nahi hai ... ek baar tava utar gaya toh mamla thanda ho jaata hai

Aurat ganne ka ras nikalne waali machine ki tarah hai ... joh mard ko khokla bana deti hai

Din mein sirf chaubees ghante hote hai aur kaam ek sau chaubees

Jis manushya ka bank mein bahut rupaiya ho uske hridhay mein bhagwan hote hi nahi hai ... uske hridhay mein toh noton ki gaddiyan hoti hai jinse woh kabaddiyan khelta hai

Gulon mein rang bhare baad-e-naubahar chale ... chale bhi aao ki gulshan ka karobar chale