dialogues for Tag: Drama

Pair choone se bade chote nahi ho jaate hai ... magar chote joh hai woh khote zaroor ho jaate hai

Mere paas woh kuch bhi nahi joh aapke paas hai ... lekin itna paisa hai ki ek mangalsutra khareed sakta hoon ... itni taqat hai ki kamakar khila sakta hoon ... aur itni mardangi hai ki bachche pehda karke aapko nani bana sakta hoon

Dil daulat se zyada taqatwar hota hai

Joh mard apne pyar ke bandhan ki hifazat nahi kar sakta, woh mard nahi ... joh aurat apne pyar ke bandhan ko todna chahti hai, woh aurat nahi

Meri shaan meri laash ke saath hi giregi ... usse pehle nahi

Naya nau din ... purana sau din

Tumne abhi tak mere sholay nahi dekhe, sharafat dekhi hai ... jis din sharafat chhod di maine, us din koi bhi tumhara rakhwala banne se inkaar kar dega

Jab gareeb ka khoon khaulta hai ... toh uske gusse ke sailaab mein daulat ke bade se bade pahad toot jaate hai

Havas ek aaisi aag hai joh bujhane se aur badhakti hai ... aur anjaam yeh hota hai ki aag bujhti nahi hai ... magar bujhane waala jalkar raakh ho jaata hai

Tumhari oonchi shakhsiyat ... aur sharifana libaas ke peeche chupe shaitan ko main pehchaan chuka hoon

Is chot ko apne dil aur dimaag par kayam rakhna ... kal yahi aasoon kranti ka sailaab bankar is mulk ki sari gandagi ko baha le jayenge

Andhe behron ka shehar hai yeh ... patthar hai yeh sab ke sab ... yahan toh bas sarr phoda ja sakta hai

Rishwatkhori aur makaari ne tum logon ke jism mein maa ke doodh ke asar ko khatam kar diya hai

Bhagwan ka banaya hua sansar ek aisa bazaar hai ... jahan insaan ka kiya hua hisaab usse yahin chutta karke jaana padta hai

Zindagi mein kabhi izzat mat khona

Jis ghar mein naari jaati ko maan diya jaata hai, izzat di jaati hai ... us ghar mein devta baste hai ... aur jis ghar mein naari jaati ka apmaan hota hai ... us ghar mein rakshash rehte hai

Cancer ka ilaaj hai iss duniya mein ... lalach ka nahi hai

Zulm ko insaaf ki chakki mein pisne ka waqt aa gaya hai

Sharifon ki izzat paison se zyada keemti hoti hai

Bahut khush hona bhi achchi baat nahi hai ... aasoon nikal aate hai

Mujrim kitni bhi hoshyari kare ... saboot ko zameen ki kok mein dafan kyun na karde ... lekin ek na ek din uska gunaah uske samne aaine ki tarah khada ho jaata hai

Joh thappad dikhayi nahi deta ... woh zyada gehri chot karta hai

Bachpan mein mujhe sikhaya gaya tha ... kisi airi gairi cheez ki mooh nahi laga karte

Main kisi ke saath mazaak kar sakta hoon ... lekin uski izzat ke saath nahi khel sakta

Aaj mujhe pata laga hai ki main ek aise tangdil insaan ka beta hoon ... jiske paas apne bete ko dene ke liye aashirwad bhi nahi

Jise main jigar ka tukda samjhta tha, usne mere jigar ke tukde tukde kar diye ... jise main aankh ka tara samajhta tha, usne badnaami ka kajal banke mera mooh kala kar diya

Khamoshi mein joh baat kahi jaati hai ... usse samajhne ke liye ek dard bhara dil chahiye

Hum mein toh lagta hai bhagwan ne khali pehda kar diya hai ... taqdeer likhna hi bhool gaya hai

Agar yeh hi hai aapki duniya toh nahi chahiye mujhe aapki duniya ... nahi chahiye mujhe woh duniya jis mein ek ladki ke saare haq cheene jaye ... beti hone ka, behen hone ka, biwi hone ka ... ek zinda insaan ko ek bejaan cheez ki tarah bazar mein rakha jaye ... uska mol lagaya jaye, usse khareeda jaye, usse becha jaye ... aur phir kaha jaye ki yahi duniya ka dastoor hai ... nahi chahiye mujhe aapki duniya

Agar pyar karna bagawat hai, kisi ko sahara dena bagawat hai ... toh main aapke khilaf, aapke kanoon ke khilaf, aapke samaaj ke khilaf bagawat karta hoon ... main bhaagi hoon ... haan main bhaagi hoon

Zameer aur discipline ke binah par kiya gaya faisla kabhi galat nahi hota

Andhere ko agar mitaana ho ... toh diye ko apne sarr mein aag lagani padti hai