dialogues for Tag: Inspiration

Joh apne hi pyar se mooh mod le ... us kayar ka saath na insaan deta hai, na hi bhagwan deta hai

Sundarta toh mann se pehchani jaati hai

Apni galati maan kar insaan bada banta hai ... apni nazron mein bhi, aur doosron ki bhi

Hamesha achchi cheezein achche logon ke liye hote hai

Agar dil se hasna chahte ho ... toh sankoch ki har seemao ko todh do

Agar koi sachche dil se kuch chahe ... toh namumkin bhi mumkin ho jaata hai

Jis tarah kuch log doosron ke liye marte hai ... ussi tarah kuch ko doosron ke liye jeena padta hai

Burai chahe kitni bhi taqatwar kyun na ho ... uska anth ek na ek din toh nishchit hai

Agar marne ke baad bhi zinda rehna hai ... toh doosron ko zindagi dena seekho

Joh kaam aaj poore nahi hue woh kal poore honge ... har subah apne saath asha ki ek nayi kiran lekar aati hai

Aadmi ko subah jaldi uthna chahiye ... varna saare kaam adhoore reh jate hai

The family that prays together, eats together ... stays together

Agar kisika dukh baatna hi chahte ho ... toh kaam kuch aisa karo ... ke doosro ki zindagi mein khushi aaye

Hamare liye sona hai hamare kheton mein leharti faslein ... apne bachche ke liye ek maa ki chaati mein umarti hui mamta ... bhai ke kalai ke liye ek behen ke rakhi ka pyar ... ek patni ke liye uski maang mein damakta sindoor ... pyar, mohabbat aur rishton ka yeh sona kabhi dokha nahi de sakta ... is liye Bharat sone ki chidiya tha, hai aur hamesha rahega

Woh khudgarz joh jung chahte hai unka kuch nahi jaata ... tabah toh woh log hote hai ... jinki subah roti ki talash mein shuru hoti hai aur raat thakaan ke bistar par

Yeh duniya gham toh deti hai, lekin sharikh-e-gham nahi hoti ... aur is duniya mein kisi ke door jaane se na, mohabbat kam nahi hoti

Kom toh bas ek hai ... insaan ki

Galati sab karte hai ... lekin galati sudhaarne ka mauka sabko nahi milta

Zindagi achche burre tajurbon ka silsila hai ... burre ko toh bhool jaana chahiye aur achche ko seene se lagake rakhna chahiye

Aise kaam ke liye himmat ki zaroorat nahi hoti ... sirf iraada hona chahiye

Zindagi mein agar apne bal par aage badna ho toh ... sabse pehle doosron ki naukri karna seekhna chahiye ... isse insaan hunar bhi seekhta hai aur tameez bhi

Masle hal hote hai pyar se, vishvas se, aman se

Jab bura waqt aata hai na ... insaan ko apne kadh se ooncha sochna chahiye

Kabhi kabhi bade punya karan ke liye chota paap karna padta hai

Insaan ko apne kal mein nahi ... aaj mein jeena chahiye

Sapne dekhna bhi zaroori hota hai ... insaan ne chaand par kadam bad mein rakha tha ... chaand par pahunchne ka sapna pehle dekha tha

Jung aur mohabbat mein hamesha do kadam aage badate hai aur ek kadam peeche hatate hai ... taaki hamesha ek kadam aage rahe

Is sansar mein koi kisi ka malik nahi aur koi kisi ka naukar nahi ... sabka malik ek hai woh upar waala ... hum sab ussi ke naukar hai

Tum is desh ke un naujawan mein se ho ... joh uthe toh aasman ko muthi mein lele

Kisi bhi desh ki suraksha bandookon aur topon se nahi ki jati ... aur nahi atom bomb aur machine gunon se jung jeeti jati hai ... jung jeetta hai insaan mazbood iraadon se

Jaan chahe janwar ki ho ya insaan ki ... jaan, jaan hoti hai ... khoon chahe janwar ka gire ya aadmi ka ... dard dono ko ek sa hota hai

Aadmi ko apni haisiyat ke andar rehna chahiye ... doosron ki daya par jeene ko jeena nahi kehte