Dialogues from Movies for Parties

Dil mein gandagi lekar paida hone waala insaan ... kabhi amar nahi ho sakta

Joh baap apni beti ko apne faide ke liye istemaal karte hai ... usse kothi mein nahi, kothe pe rehna chahiye

Sansar ka yeh niyam hai ke paapi kabhi amar nahi hote

Insaano mein kuch log zehreelay saanpo se bhi zyada khatarnak hote hai ... aur kuch log devtaon se bhi zyada mann ke sachche aur achche

Maut sabse halki sazaa hoti hai

Joh pehli saans lene ki choot deta hai ... wohi aakhri saans par rok laga sakta hai

Maut aur badnaseebi do hi aisi cheezein hai ... joh bagair khabar kiye aate hai

Shobhraj joh karta hai woh kehta nahi ... pehle karta hai phir kehta hai

Mere chehre pe kutte ki naak lagi hui hai ... main apne karazdaar ko soongh ke pakad leta hoon

Yeh maa ki gaud nahin hai ... maut ki gaud hai

Zulm phir zulm hai ... badta hai toh mitt jaata hai ... khoon phir khoon hai ... tapakta hai toh jam jaata hai

Yeh woh danda hai joh badan pe pade toh chamdi phatti nahi hai ... dard haddiyon tak ghus jaata hai

Iski laash ke itne tukde banenge ... ki rone waala yeh bhi samajh nahi payega ki kis tukde ko pakadkar roye

Mere maula kab talak gussa na unpar aayega ... zaalimon pe rehman aakhir kab talak farmayega ... kab talak hote rahenge bekason pe zulm aur sitam ... kab talak yeh khooni manzar bas tu dekhe jayega

Agar ab bhi tumhe gareeb ki taqat ka andaaza nahi toh jao ... duniya mein jitne mahal bane hai ... unki khandaron ki ek ek eent se poocho ki tumhe banane waala kaun aur mitaane waala kaun

Daulat ki mandi mein kanoon hamare isharon par kathputli ki tarah naachta hai ... aur insaaf hum karte hai, hum

Sona ho ya chandi, usse tolne ka tarazu lohe ya peetal hi ka hota hai ... is hi tarah duniya ki har cheez insaaniyat ke tarazu pe toli jaati hai

Mohabbat ho ya jung ... do hi cheezein jeeta sakti hai ... ek rokda aur doosra danda

Main akela hi chala tha apni manzil ki taraf ... log saath aate gaye aur karavan banta gaya ... khoon-e-dil se humne likhi gham ki yoon dastan ... zindagi ka shandar ek gulsitan banta gaya

Gareebon ka khoon jab saanche mein dhalta hai toh yeh sikka banta hai ... aur jab yeh sikka bazar mein tulta hai ... toh kisi gareeb ke bhai ko kitaabein milti hai, college milta hai ... aane waale sunhere kal ki umeedein milti hai

Har daulat ke peeche koi na koi jurm hota hai ... aur jab tak jurm nahi karta na koi lakhpati banta hai, na crorepati

Ek gareeb ki sabse badi daulat uski izzat hai ... aur woh izzat dekar bhi apna pyar, apne sapne kabhi nahi khareed sakta

Joh meri asliyat pehchaane ki koshish karega ... main uski asliyat puri bighaad doonga

Toofan kabhi kabhi apne saath sailaab lata hai ... aur sailaab se uthe hue bhanwar bahut khatarnak ho sakte hai

Doosron ki seva karna hi bhagwan ki puja karna hai

Hamari aadatein bhi toh harami hai

Insaaf ke jin saudargaro ke bhram par, tum farz ka sauda kar rahe ho ... unki gardane bhi hamare haatho se door nahi

Rishwat khao aur rishwat khilao

Humne dekhe hai bahut baatein banane waale ... baatein waale toh janaab kaam kidhar karte hai ... woh joh dekhe hi nahi toofan uthate sagar ... woh kya khaak samundar mein safar karte hai

Kauva oonchai par bahetne se kabootar nahi ban jata

Dil ki awaaz dil se suni jaati hai

Chalaaki karne waala khud hi apni chalaaki ka shikaar ho jata hai