dialogues for Tag: Drama

Kambakht yeh neend ki goli sula toh deti hai ... lekin lori nahi sunati

Aaj tak main soochti rahi ki aap mujhe bahut pyar karte hai ... meri khushi ke liye aap apni khushiyo ka gala ghoont sakte hai ... lekin aaj mujhe pata chala ki aap apni khushi ke liye mera bhi gala ghoont sakte hai

Lohe se jab sheesha takrata hai toh ... uske itne tukde ho jaate hain ki ghinna mushkil ho jata hai

Badla jitna itminan se liya jaaye ... utna hi uska mazaa badh jaata hai

Der se mila hua insaaf khud ek na-insaafi hai

Aaj tak aaisa koi amir pehda nahi hua ... joh kanoon ka maalik ban sake

Agar koi mujhse pooche ki is duniya mein mera sabse bada dushman kaun hai ... toh main kahoonga tu ... sabse zyada nafrat main kisse karta hoon ... toh main kahoonga tujhse

Chola badal lene se aadmi ka charitra nahi badal jaata

Ek aadmi aakha duniya se lad sakta hai ... magar ek aurat ka nafrat ke aage haar jaata hai

Aap itne mohtaj nahi ki aaisi roti na kama sako ... joh imaandari ke aate se bani ho aur sachchai ki aanch par pakki ho

Paap ki umar bahut lambi hoti hai ... lekin paapi ki umar bahut choti

Joh log baimaani ke bazaar mein khud kaudiyon ke daam bikke ho na ... woh doosron ki wafaadari ki keemat nahi lagate

Insaan ka itna sach bolna bhi acha nahi ... ki uski zubaan ko rokne ke liye uski saanson ko bandh karna pade

Lalach ke samundar mein dubki lagakar, baimaani ke pani se nahane waale kutte ... pehchan, pehchan main kaun hoon?

Zarooraton ne par kaat diye hai ... roti paon ki zanjeer ban gayi hai

Ek pal mein beta bana liya ... aur doosre hi pal mein paraya kar diya

Sapne dekho, zaroor dekho ... bus unke poore hone ki shart mat rakho

Main ek Hindustani hoon ... aur main jaanta hoon ki ek Hindustani ladki ki izzat kya hoti hai

Ja Simran ... ja jeele apni zindagi ... ja beta ja

Toh kya hua agar maine jhoot sirf tumhe paane ke liye kaha tha ... toh kya hua agar tumhare chehre ke sivah mujhe koi aur chehra dikhai nahi deta ... toh kya hua agar tumhare naam ke sivah mujhe koi aur naam yaad nahi rehta ... toh kya hua agar yeh awara tumhe deewano ki tarah pyar karta hai ... toh kya hua ... pyar sab kuch toh nahi hota na

Aadmi ke vichaar aur harkaton ka shehar ya jungle se koi sambandh nahi hota ... aur na hi ameeri gareebi se koi vasta

Joh pyar karte hai woh sar jhukakar nahi sar uthakar baat karte hai

Pyar karne waale kisi ke mana karne par kab ruke hai ... yeh dil toh pagal deewana hai, yeh toh pyar karega ... yeh na kabhi dara hai duniya se, na kabhi darega

Kuch dard aaise bhi hai jinse tum waqif nahi ... aaise dard jisse Tina ki toh kya ... insaan ko khud apni pehchan tak bhula dete hai

Pyar jab bagawat par utar aata hai ... toh koi taqat usse nahi rok sakti ... na insaan ki, na kudrat ki

Insaan jhoot bol sakta hai ... lekin uske ungliyon ke nishaan jhoot nahi bol sakte

Aaj tune is dua dene waale dil ki bhi bad-dua le li ... aur ab tujhe koi nahi maaf karega

Sach toh yahi hai Sir ... ki aaj kal log sach darr darr kar hi bolte hain

Sachchai ke liye kisi bhi cheez ko kurbaan kiya ja sakta hai ... magar kisi bhi cheez ke liye sachchai ko kurbaan nahin kiya ja sakta

Budh, Ashok aur Gandhi ke is desh mein rehne waale hum log ... ahinsa ke pujari zaroor hain ... magar buzdil nahin

Jis tarah mazab-e-islam mein haraam hai suvar khana ... jis tarah hindu dharam mein paap hai gaye khana ... in sabse bada gunaah hai ... mard hokar kisi aurat ke jism ki kamai khana

Yeh duniya bahut buri hai, bahut buri hai ... joh bhi deti hai bura banane ke baad hi deti hai