dialogues for Tag: Drama

Tadbeer ki syahi se insaan apni taqdeer ki likhai ko badal sakta hai

Baimaani, kala bazaari, rishwatkhor log lakh gaaliyan sunkar bhi aasani se is duniya mein jee lete hai ... magar joh log sachche hote hai na ... woh jhoote ilzaam ka ek shabd bhi nahi sun sakte hai

Is rishwat ke samaaj mein agar izzat ki zindagi guzarni hai ... toh apna seena cheerkar, apne zameer ka katal karke, apni rooh ko maarke ... uski laash ko rishwat ke kadmo mein dalna padta hai ... tab jaakar insaan yeh zindagi guzaar sakta hai

Meri pahunch Delhi se lekar shamshan ghat tak hai ... awaaz Delhi tak jaati hai aur dushman shamshan tak chala jaata hai

Hum toh woh bhanwar hai jis mein samundar ke samundar doob jaate hai

Hum mein oonchi awaaz sunna bhi pasand nahi ... hamare samne joh oonchi awaaz mein bolta hai ... uski awaaz hamesha hamesha ke liye band kar di jaati hai

Shabdon ke teer maar maarkar mujhe aur zakhmi mat kar

Aaj kal ke yug mein har cheez ke daam bhad gaye hai ... magar aadmi ki nazar mein insaaniyat ke daam ghat gaye hai

In duniya mein jis insaan ke paas har sawaal ka jawab nahi hota hai ... kabhi kabhi uski apni zindagi sawaal ban jaya karti hai

Tumhari umar mere tajurbe se bahut kam hai ... tumne utni Diwaliyan nahi dekhi hai jitni maine tum jaise bikne waalon ki barbaadiyan dekhi hai

Jaane do isse ... is waqt yeh khudgarzi ke ghode pe savar, barbaadi ke toofan mein udhta hua chala ja raha hai ... aur aaise sawar ko waqt ke thappad aur zamaane ki thokar ke sivah koi nahin rok sakta hai

Yeh zindagi ek khet ki tarah hai jahan insaan ... kisan ki tarah paap aur punya ke beejh bohta hai

Aulad ki judai ka dard ... maut ke dard se bhi zyada hota hai

Jahan paisa roti ki hadh se badh gaya ... wahin insaan baimaani ke daldal mein gadh gaya

Sukh toh bewafaa tawaif ki tarah hai ... joh aaj iske pass, kal uske pass

Insaan ki zindagi ek aaine ki tarah hoti hai ... farak itna hai ki aam aaine mein hum joh harkat karte hai uski tasveer us hi waqt nazar aa jaati hai ... magar zindagi woh aaina hai ki aaj kiya hue harkat ki tasveer barso baad nazar aati hai

Haraam ki daulat insaan ko shuru shuru mein sukh zaroor dilati hai ... magar baad mein le jaakar ek aaise dukh ke sagar mein dhakel deti hai ... jahan marte dum tak sukh ka kinara kabhi nazar nahi aata hai

Ek andha bhi mann ki aankhon se bahut kuch dekh leta hai ... lekin andhvishvasi toh tann aur mann dono ki aankhen kho behetta hai

Budhape ko maut ka nahi ... akelepan ka darr hota hai

Joh jitna ooncha hota hai ... utni hi zor se zameen par girta hai

Galati ek baar hoti hai, do baar hoti hai ... lekin teesri baar iraada hota hai

Tum aur hum kachre ke dher se uthne waali woh badbu hai ... jisko zamane ki naak kabhi seh nahi sakti ... aur kachra chahe kitna bhi saaf ho jaye usse badbu hi uthti hai

Doosron ko maarkar jeena koi gaurav ki baat nahi ... magar khud ko maarkar kisi aur ke liye jeena hi jeena hai

Hazar bura aadmi burai ka rasta akhtyar kare toh itna khatarnak nahi ... lekin jab ek achcha aadmi burai ka rasta akhtyar karta hai na ... toh burai ka seena bhi kaanp uthta hai

Humse wafaadar rahoge toh maut tumse door rahegi

Jung se dharti ka seena toh laal hota hi hai ... yeh desh ki atma ko bhi ghayal kar deti hai

Teri aankhon mein dahekte angaaron ki saugand maa ... main tera har vachan poora karke rahoonga

Uss vaishi darinde ne meri maa ke haath toh kaat diye hai ... lekin meri maa ka aashirwad nahi kaat sakta woh

Hamare desh ki mitti apne beto ko sirf ek hi baat sikhati hai ... maa ki puja, maa ki seva, maa ki raksha

Abhi tak bahut se police afsaron ki ragon mein ... angrezon ki pilai hui sharaab ki booh baki hai

Inteqam ka josh farz aur sachai ka sar kabhi nahi jhuka sakta

Dard ki dawa na ho ... toh dard ko hi dawa samajh lena chahiye