dialogues for Tag: Women

Rakhail aurat ki koi jaat nahi hoti ... aur na hi koi aurat kisi jayaz ya najayaz aulad ki maa kehlati hai ... woh toh sirf maa hoti hai

Aadmi naujawan ho yah meri tarah tajurbekar ... raat ko aurat se jhagde mein kabhi nahi jeet sakta

Jab koi bulbul qaid ho jaati hai ... toh uski tadap usse aur bhi khoobsurat bana deti hai

Ladki jab ek baar suhag ka joda pehenle aur uski shaadi na ho ... toh wohi joda uske liye kafan ban jaata hai

Khoobsurat ladkiyan aur machliyan ek jaisi nahi hoti ... unhe pakadne ke liye kuch aaisi chaalein chalni padti hai, jisse woh pakad mein aa jaye ... aur agar woh na aaye toh khud unke paas jaana padta hai

Ek aurat jab tak maa nahi banti ... woh adhoori rehti hai

Tera bhi jawaab nahi uparwaale ... chokri na mili, naukri mil gayi ... stree na mili, istree mil gayi

Ladki aisi honi chahiye ... thodi si namkeen, thodi si khatti, thodi si meethi ... rang aisa ki chandni ki ujaale mein jaise thoda sa shaam ka andhera shamil ho

Kehte hai gusse mein ladki ki khubsoorati aur badh jaati hai

Jab koi ladki jala di jaati hai us waqt mera mann karta hai ki ... is samaaj ko purane akhbaar ki tarah raddi ki tokri mein daal doon

Betiyan baap ki pagdi mein lipti hoti hai ... pagdi utar jaye toh woh nangi ho jaati hai

Mard ki taqat uski aankhon mein hoti hai ... lekin aurat ki taqat uski zubaan hoti hai

Agar ghar ka mard bighad jaye toh sirf ek nasal barbaad hoti hai ... lekin agar ek aurat bighad jaye toh us ghar ki saat nasalen tabah ho jaati hai

Joh ladki raat ke andhere mein ghar se bhaag jaati hai ... usse din ke ujale mein log taane maar maarkar marne par majboor kar dete hai

Aurat ki jab haai lagti hai na ... joh ek janam toh kya, saat janam bighad deti hai

Aurat ko aur saari ko sambhalna bahut mushkil kaam hai

Aurat chahe maa ho, behen ho ya beti ho ... uske bhagya mein rona hi likha hai ... woh chahe bhagwan ko bhi janam de ... uske naseeb mein aasoon hi aasoon hai

Ladki ki khoobsurati shareer ko dhakne mein hai ... shareer ki numaish karne mein nahi hai

Aurat ki izzat par agar ek baar daag lag jaye ... toh woh kabhi nahi dhul sakta hai

Hamare Hind mein auraton ko izzat ki nazaron se dekha jaata hai ... hawas aur besharmi se nahi

Khoobsurati ki tareef toh dekhte hi ki jani chahiye ... chahe woh koi ladki ho ya koi haseen phool

Aurat ke husn ka nishana kabhi khali nahi jaata

Khoobsurat premika ... patni ka roop dharan karte hi kitni badsurat ban jati hai

Ek shaheed ki patni kabhi vidhva nahi hoti ... sada suhagan rehti hai

Mangalsutra ek aisi cheez hai jiski keemat ek suhagan hi bata sakti hai

Ek patni ke liye vidhva bankar jeene se toh achcha hai ... ki woh suhaagan ki maut mare

Aurat toh narm matti ki bani hoti hai ... kabhi bhi toot sakti hai

Nau mahine pet mein rakhne se koi aurat maa nahi ban jaati ... kya tumne ek maa ki tarah kabhi isse apna doodh pilaya, kabhi apni baahon mein jhulaya, kabhi seene se lagakar pyar kiya ... nahi ... jab tumne maa ka kartavya nahi nibhaya toh tum mein maa kehlane ka koi adhikar nahi

Agar kisi stree ko apne purush ka mann jeetna ho toh uske liye do hi raste hai ... ek khane ka aur doosra sone ka

Agar kabhi phir se shaadi karoonga toh aaisi khubsoorat ladki se ... joh hotel mein entry kare toh lage Sridevi, drawing room mein behti ho toh Madhuri Dixit, aur andar ke room mein ho toh Kimi Khaatpar ... matlab Katkar

Joh mard apne pyar ke bandhan ki hifazat nahi kar sakta, woh mard nahi ... joh aurat apne pyar ke bandhan ko todna chahti hai, woh aurat nahi

Jis ghar mein naari jaati ko maan diya jaata hai, izzat di jaati hai ... us ghar mein devta baste hai ... aur jis ghar mein naari jaati ka apmaan hota hai ... us ghar mein rakshash rehte hai