dialogues for Tag: Drama

Kuch log umar ke saath badhte hai aur kuch log bighadte hai

Mohabbat hai is liye jaane diya ... zidd hoti toh baahon mein hoti

Purane rishtey todke naye rishtey nahi banaye jaate hai

Ishq ne bahut logon ko nikamma bana diya hai yeh toh suna tha ... magar tujhe toh gaddar bana diya

Pyar mein pada aadmi aksar apni aukaat se zyada bada kaam kar jaata hai

Doobara yeh galati mat karna ... varna agli baar pachtaane ka mauka bhi nahi milega

Main jeena nahi janti ... jeena sikha sakti hoon

Yahi toh kiya hai tum jaise mardon ne hum jaisi auraton ke saath ... kabhi kook mein hi maar dala toh kabhi pehda hote hi ... yeh kaisi ajeeb parampara hai tum logon ki ... sab kuch tumhare naam ka ... maang meri sindoor tumhare naam ka, gala mera mangalsutra tumhare naam ka, kalai meri chudiyan tumhare naam ki ... yahan tak ki kook meri, khoon mera, doodh mera aur bacha tumhare naam ka ... sab kuch tumhare naam ka ... phir yeh batao aakhir tumhare paas kya hai mere naam ka?

Chaalaki zindagi mein insaan ko aage toh zaroor pahuncha deti hai ... magar jab chaal ulti padti hai na toh aadmi itni zor se girta hai ki awaaz nahi hoti ... dhamaka hota hai

Khoobsirat khoobsurat se bahut bada hota hai

Jab shareer pe chot lagti hai na toh mooh se gaali nikalti hai ... par jab dil pe chot lagti hai na toh mooh se baddua nikalti hai

Jahan hum log behate hai wahan aam aadmi ki sirf arziyan pahunchti hai ... awaaz nahi

Aag bhuj bhi jaye na tab bhi kahin na kahin andar chingari dahekti rehti hai ... joh kabhi bhi aag ban sakti hai

I hate sorries!

Sabke karam samne aayenge ... woh kya hai na karma rishvat nahi leta

Is baar haath nahi ... saath chahiye

Na yeh sarkari hai, na gair kanooni ... na yeh neta hai, na koi terrorist ... kaam se hero, naam se villain ... yeh hai Gabbar

Jadh, joru aur zameen le mamle talwar ki dhaar pe hi sulte hai

Badan aur baahen gori ho ya na ho ... lekin dil gora hona chahiye

Asal mein log joh karte hai, woh wohi kar sakte hai ... joh woh ho sakte hai, wohi woh hote hai

Hum jaison ke marne pe hazaaron saikadon log kanda dene aayenge ... aur aap jaise bikau police waale ki arthi uthane ke liye chaar log bhaade pe bulane padenge

Pahad ki choti se girke bach sakte hai aap ... lekin ghagre ki chapet mein aake bachna mushkil hai

Aaj ek baad mujhe apna chehra mat dikhana ... jaan le loonga

Dil toh har kisi ke paas hota hai ... lekin sab dilwale nahi hote

Insaan bhi ajeeb hote hai ... baat kehni kisi se hai magar kehte kisi aur se hai ... aur sabse zyada joh baat kehne mein sharmaate ya katrate hai ... woh hai pyar ki baat, mohabbat ki baat

Aaisa kyun hai ki jab koi saath hai toh insaan usse kitni baatein kehna bhool jaata hai ... aur aaisa kyun hai ki jab koi door chala jaata hai ... toh insaan ko kitni baatein yaad aati hai joh keh deni chahiye thi

Har kahani ka ek anth hota hai aur har kahani ki ek shuruvat

Aas paas jitni bheed hoti hai ... insaan utna hi akela hota hai

Joh mistake tune ki hai uski sazaa hoti hai ... maafi nahi

Tere paas khone ke liye kuch nahi tha ... mere paas tha hamara naam

Main joh bhi karta hoon ... khud ke liye karta hoon

Kuch kahaniyon ka adhoorapan hi unka anth hota hai ... sab kuch toh kabhi poora nahi hota ... poora bhi kahin adhoora hi reh jaata hai