dialogues for Tag: money

Auraton ke shareer ka sauda karke daulat kamane waale log toh maine dekhe the ... lekin apni maa ka sauda karne waala dalaal maine apni zindagi mein pehli baar dekha hai

Doosro ki daulat ke pankh logon ko gharon se dur le jaate hai ... aur yeh pankh jinhe lag jaate hai ... woh wapis ghar lautkar kabhi nahi aate

Dhan daulat ke shor mein nirdhan ki awaaz ko hamesha kuchal diya jaata hai

Pehle shohrat ka bahut nasha hota hai ... lekin baad mein pata chalta hai shohrat kitni mehangi padti hai

Daulat se bistar khareeda jah sakta hai, neend nahi ... aurat khareedi jah sakti hai, pyar nahi ... jhoot kareeda jah sakta hai, sachchai nahi

Tum insaan nahin balki ek chalti phirti tijori ho ... tumhare seene mein dil ki jagah noton ka bundle rakha hua hai

Noton ki seedi par chadkar aakash ko choone ki koshish mat karna, warna gir jaoge ... itni chotein lagegi, ki agla janam lene ke baad bhi shareer zakhmi hoga

Hum unlogo mein se nahin hai, joh saanp ka sar kuchalkar usse maar dalte hai ... hum unlogo mein se hai, joh saanp ka sar pakad lete hai aur uske baad uske zehrile daanton ko nikaalkar ... usse nachate hai aur paisa kamate hai

Ameeron ne toh joh kuch bhi banaya hai woh rishvat ya rishvat ke balbute par banaya hai ... koi dus rupaiya mein vote khareed leta hai ... sau rupaiya mein koi apni arzi pass karva leta hai ... hazar rupaiya dekar koi apna imteham pass kar leta hai ... lakhon rupaiya dekar yeh log apna tender pass karva lete hai ... arre main toh kehta hoon sabse pehle in rishvatkhoron ko fail karo ... tab ja karke yeh mulk pass hoga

Mazdoor ka paseena sookhne se pehle, uski mazdoori mil jani chahiye janaab

Agar amiri insaan ko wahi bana deti hai joh aap ban gaye hai ... toh bhagwan ka shukar hai ki hum amir nahi rahe

Daulat libaas badal sakti hai ... jism ko nahi badal sakti

Daulat se zindagi ka har jazba, har lamha khareeda ja sakta hai

Hindustani businessman ki ek bahut badi khoobi hai ... woh kam se kam paisa dekar achche se achcha result maangta hai

Aap badhe nahin hue hain ... amir hue hain, sirf amir ... aapki tijori toh badhi ho gayi hai lekin aapka dil bahut hi chota ho gaya hai

Kutte ke aage haddi aur gareeb ke aage paisa ... jab daal diya jaata hai toh woh dumm hilane lagta hai

Sharaab khareedne waale rupaiye toh mere paas bahut hai ... haan dawa khareedne waale rupaiye mere paas nahi hai

Humne paisa banaya tha apni zaroorat ke liye ... aur hum khud ban baithe hai zaroorat paise ki

Is duniya mein izzat ki nahi, balki daulat ki zaroorat hoti hai ... aur daulat jiske paas hoti hai, izzat khud-ba-khud aakar uski chaukhat pe apna sar jhuka deti hai

Main daulat ke maidaan mein gareeb zaroor hoon ... lekin imaandari aur sharafat ke maindaan mein bahut zyada amir hoon

Joh log paisa kamakar apna imaan gavah dete hai ... woh daulat hote hue bhi fakiron se battar hai

Hamare mulk mein ek aadmi ko dus rupaiya ko gyarah rupaiya banane mein zindagi khap jaati hai ... lekin dus lakh ko gyarah lakh banana baayen haath ka khel hai

Paise se Mercedes khareedi ja sakti hai, makaan khareeda ja sakta hai, nursing home khareeda ja sakta hai ... zindagi ka har ek aaram khareeda ja sakta hai ... lekin dil nahi khareeda ja sakta hai

Dosti joh hai na, bahut pavitra hai ... isko dosti hi rehne de ... iske upar pet, paisa, roti iski parchai na padne de

Insaaniyat ke bazar mein mujh jaise do kaudi ke insaan ki vakat, aap jaise crorepati haiwaan se zyada hoti hai

Daulat ka pedh jab bhi ughta hai ... paap ki zameen mein hi ughta hai

Pyar toh bhagwan ka vardaan hai aur paisa insaan ka banaya hua zehar ... zaada ho jaane par usse maar dalta hai

Pyar paise se nahi khareeda ja sakta ... usse paane ke liye toh puja karni padti hai

Paise ka lalach insaan ki akal mein daraare daal deta hai ... aur woh tumhari tarah, apni kismat khud jala bethta hai

Jis tarah dane dane pe khane waale ka naam likha hota hai ... bilkul ussi tarah har sikke pe paane waale ka naam bhi likha hota hai

Kismat hamare saath hai, uske haathon mein apna haath hai, chand chakori ki mulaqat hai, premi ko mili daulat ki saugat hai, lekin is baat mein bhi ek baat hai, shaadi ke baad main aapse poochunga daddy ... aapki kya aukaat hai?

Karz chukane wale ki yaadash aksar kamzoor ho jati hai