dialogues for Tag: money

Paise mein badi taqat hoti hai ... jinke paas paisa nahi hai na, unse toh unke apne bhi nazar pher lete hai ... aur jinke paas paisa hai, unke gair tak apne ho jaate hai

Lakh kamane ke liye hazar gawane bhi padte hai ... sansaar ka yehi niyam hai

Rupaiya bhes bhi badalta hai

Hamare paas sone chandi ki daulat hai ... tumhare paas husn ki

Daulat ki bisat par joh jua tumne khela tha us mein pehli chaal tumne chali thi ... ab meri bari hai

Har daulat ke peeche ek jurm hota hai

Paise kamane ke do tareeke hai ... ek toh zabardast mehnat, lekin uske liye bahut samay ka intezar karna padta hai ... aur doosra bagair mehnat ke insaan amir ban sakta hai, lekin uske liye hausle ki zaroorat hai

Aapke mahenge suit se mahenge ittar ki khusboo aa rahi hai ... magar uske andhar chupe aadmi se paise ki badbu aa rahi hai

Mere paas apne baap dada ki daulat ki nahi ek pai hai, aur nahi mujhe chahiye ... mere paas agar kuch hai toh apni maa ka diya hua aashirwaad

Mujhse paanch minute na milkar ... aapne apna paanch lakh ka nuksaan kiya hai

Main paanch lakh ka sauda karne aaya hoon ... aur meri jeb mein paanch phooti kaudiyaan bhi nahin hai

Zindagi ka har woh zakhm jiska koi ilaaj na ho ... uspe daulat hi marham ka kaam kar sakti hai

Zindagi ki university mein aaj tumhara pehla imtihan hai ... agar pass ho gaye toh degree ki jagah maal hi maal hai ... aur agar fail ho gaye toh inaam mein police ki goliyan ya jail

Agar kisi ki beti ki izzat ek baar lut jaye ... toh duniya ki sari daulat usse vapas nahi la sakti

Kutte ki zaat pehchanni ho toh uske aage haddi daal do ... aur aadmi ko pechanna ho toh usse daulat aur taqat de do

Anaaj toh bahut pehda hota hai seth ... magar usse gareebon ke pet nahi tum logon ke godaam bhare jaate hai ... tabhi toh tum logon ki tijori mein rakha hua paisa nahi gina ja sakta ... magar gareebon ke jism ki pasliyan zaroor gini ja sakti hai

Kanoon kehta hai ki karz agar purana ho jaye ... toh usse chukane ki koi zaroorat nahi

Daulat se bhi badkar koi cheez hai aur woh hai pyar ... pyar se bhi ooncha kuch hai aur woh hai aadmi ka apna usool

Aadmi ki achchai, uska character tab puja jaata hai jab uske paas rupaiya ho ... jab rupaiya paas na rahe toh aam logon ki nazar badal jaati hai

Insaan ki sabse badi daulat hai uski insaaniyat, uska character

Dhan daulat ko chalti phirti chaya kaha gaya hai ... aaj hai toh kal nahi ... fakr toh us daulat pe kiya jaye joh kabhi insaan ka saath na chhode ... aur woh hai sachai aur imaan ki daulat ... insaaniyat, daya aur dharam ki daulat

Yeh duniya than-than gopal ki hai ... jiske paas rupaiya nahi woh kuch nahi

Paise ... aaise kaise paise maang rahe ho?

Keemat joh tum chaho ... kaam joh main chahon

Hum kaam sirf paison ke liye karte hai

Arrey oh Sambha ... kitna inaam rakhe hai sarkar ham par?

Char-aane kamane ke liye aath-aane ka jhoot bolna padta hai

Humse poocho ki haqeeqat kya hai ... tum jisse apni mohabbat de do, usko daulat ki zaroorat kya hai

Tumhare dil ki, mere dil ki, sari duniya ke dil ki ek hi awaaz hai ... rupaiya, rupaiya, rupaiya

Chori chahe ek paise ki ho yah lakh rupaiye ki ... chori, chori hai

Paisa nahi toh kuch aur sahi ... har insaan ki koi na koi kamzori zaroor hoti hai

Aaj mere paas buildingey hai, property hai, bank balance hai, bungla hai, gaadi hai ... kya hai, kya hai tumhare pass?