dialogues for Tag:

Roti roti mein bhi farak hota hai mere dost ... ek roti woh hoti hai joh cheenke khai jaati hai jis mein kisi ke khoon ki boo aati hai ... lekin mujhe woh roti chahiye jis mein kisi ke khoon ki boo nahi, balki mere paseene ki mehak aati ho

Insaan ko dil de, jism de, dimaag de lekin yeh kambakht pet mat de ... usse pet deta hai toh usse bhook mat de ... usse bhook deta hai toh do waqt ki roti ka intezam karke bhej ... varna tujhe insaan ko paida karne ka koi haq nahi hai

Roti, kapada aur makaan par kabza karne waalon ke dil ... choohe jaise hai

Humne toh sari duniya mein yahi suna tha ... Hindustan ki hasinayen aankhon se pilakar hosh uda deti hai ... tum yeh whiskey kyun pila rahi ho?

Joh tu bhojan na kar raha hota ... toh aaj tu narak ka bhojan ban gaya hota

Inhe aaisa kadva aadmi hai ki agar ganderi khake thukenga ... toh uspe makkhi bhi nahi behethengi

Petrol ka bhav badh gaya ... tarkaari ka bhav badh gaya ... tera bhav bhi badh gaya kya?

Khaane ke saath cigarette peena bahut buri baat hai

Aao Vijay, baitho aur hamare saath ek scotch piyo ... hum tumhe kha tohdi jaayenge ... vaise bhi hum vegetarian hai

Pilana bhi farz tha toh kuch bhi pila diya hota ... sharaab kam thi toh pani mila diya hota

De jaam ya gham de humko ... sharaab bhi pee jaati hai aur aasoon bhi peeye jaate hai

Hindustani jab desi peeta hai toh angrezi bolta hai

Jisne khane mein ki milavat ... uski dono jahan mein giravat

Hum toh daal ke pateele hai ... jisne pyar se karchi ghumai bas ussi ke ho liye

Mirch ke bagair khana aaise hota hai jaise chand ke bagair puranmashi ki raat, koyle ke bagair engine aur pani ke bagair kuaan

Karele jaisi soorat aur jalebi ke sapne

Garmi mein garam chai, thandak pahunchati hai

Hum apne dard ki tauheen kar gaye hote ... agar sharaab na hoti toh mar gaye hote

Woh kaali kaali botalein joh hai sharaab ki ... arre raatein hai in mein band hamare shabaab ki

Yeh raajneeti ke chakkar toh bas do kisam ke logon ko raas aate hai ... ek toh woh jinke ghar khane peene ki fikar na ho ... aur doosre woh jinke ghar khane peene ko kuch na ho

Joh log doodh se jal jaate hai ... woh chhaas bhi phoonk phoonk kar peete hai

Afsoos, ki log doodh se bhi jal jaate hai

Duniya looti makkar se aur roti khayi shakkar se

Nasha sharaab mein nahi hota bewakoof ... varna paimaane nachte

Katega bhunega toh alu ... isse main khaon ya bhalu

Mujhe mithaai khane ka nahi ... sirf dekhne ka shaunk hai

Na zehan mein aap, na rum mein aap ... dono jahan pukar aaye, kahan hai aap ... itna guroor husn pe achcha nahi janaab ... humko lagalo dil se samajhkar yahi kitaab

Yeh whiskey soda agar aap peeyega ... toh whiskey soda andar aur aapka dum bahar

Sabzi tarkari garam garam ... arre malik kare hazam hazam

Yeh botal hai na botal ... yeh duniya ki har sundar ladki se zyada khoobsurat hai ... poocho kyun ... kyun ki yeh dhoka nahi deti, chaalbaazi nahi karti

Nasha-e-meh maange ki cheez, iski bhi koi hasti hai ... josh-e-jawani kya kehna, masti apni masti hai

Agar sharaab dukhon ko mitta sakti ... toh har aadmi sharaabi ban jata