dialogues for Tag: Inspiration

Itne baazu itne sar, ginle dushman dhyan se ... harega woh har baazi, jab khelein hum jee jaan se

Jism ki maut insaan ki maut nahi hoti

Galati toh har insaan se hoti hai ... par maafi ka asli haqdar wohi hota hai joh galati karke pachtaye

Dukh ke andhere ka seena cheerne ke liye ... mann mein vishvas ke suraj ka hona bahut zaroori hai

Insaan ki zindagi ek aaine ki tarah hoti hai ... farak itna hai ki aam aaine mein hum joh harkat karte hai uski tasveer us hi waqt nazar aa jaati hai ... magar zindagi woh aaina hai ki aaj kiya hue harkat ki tasveer barso baad nazar aati hai

Hamare desh ki mitti apne beto ko sirf ek hi baat sikhati hai ... maa ki puja, maa ki seva, maa ki raksha

Insaan apne vyavhaar, apne charitra, apni zubaan aur apne dil se amir hota hai

Ek aur ek do nahi ... gyarah hote hai

Jitni badi kranti lani hoti hai ... utni hi badi shanti ki zaroorat hoti hai

Joh achcha tairakh hota hai na ... woh toofani lehron mein beh nahi jaata ... balki unhi lehron ko apni naav bana leta hai

Har nayi cheez ke liye kismat ko aazmana bahut zaroori hota hai

Jinke paas sirf pahunch hoti hai, unke paas kabiliyat nahi hoti ... meri pahunch meri wafaadari tak hai, meri imaandari tak hai, meri pahunch meri mehnat tak hai ... aur iske badaulat main apne mukaam par zaroor pahunch jaonga

Insaan ko na kuch paane ki khushi honi chahiye aur na kuch khone ka gham

Kabhi kabhi aaise insaan bhi janam lete hai ... joh apna naam apni yaad tareekh mein nahi ... logon ke dilon mein mehfooz kar jaate hai

Is duniya mein insaan ki aukaat uski haisiyat uske paise se nahi ... balki uske karamon se pehchani jaati hai

Hausle se har kaam mumkin hai ... hausle se insaan apni taqdeer jaise chahe waisi bana sakta hai

Is duniya mein dard bahut hai aur baatne waale haath bahut kam hai ... phir bhi aagaaz hai yeh jisse anjaam tak nibhana hai ... khoon hai jab tak ragon mein, har zulm ko mitana hai

Josh mein koi burai nahi lekin usse hosh ke dariye mein hona chahiye

Har insaan ko apni zindagi jeene ka aur apni maut marne ka haq hai ... lekin hum mein maut ko bhoolkar, zindagi ko gaale laga lena chahiye

Joh bhi kaam mile usse kar lena chahiye ... kaam koi chota nahi hota ... chota hota hai aadmi, uska dil, uski kartoot

Haath woh kalam hai joh aakash ke kagaz pe likhi hui taqdeer ko badal sakta hai

Is sansar mein bheek le lo magar udhaar kabhi mat lo ... kyun ki bheek leke aadmi ek baar zaleel hota hai ... magar udhaar maangke subah shyam zaleel hota hai

Yeh charon aur phaili hui dharti par rehne waale logon ki kewal ek hi jaat hai ... manushya jaat

Karam karna manav ka dharam hai ... aur uska phal dena bhagwan ke haath mein hai

Shraddha sirf bhagwan par rakhi ja sakti hai, yeh tumse kisne kaha bete? ... woh toh apne mann ki bhavna hai ... shraddha toh apni maa, baap, desh, apne log, apna kaam, kisi par bhi rakhi ja sakti hai ... yeh wohi shraddha hai joh har insaan ko burre kaam karne se rokti hai ... achche kaam karvane par majboor karti hai ... jis din yeh shraddha nasht hui mann se ... hum janwaron se zyada kuch nahi rahenge

Sacha bahadur wohi hota hai joh toofani samundar ke beech mein ja karke machli pakadne ka jaal phekta hai ... kinare behetkar pani mein kaanta daale machli ke phasne ka intezar karne waale ko bahadur nahi kehte

Hum mein ek misaal kayam karni hogi ... jis mein ek insaan ka dukh saare shehar ka dukh ban jaye ... chot padosi ko lage toh dard saare mohalle ko ho ... aur woh mohalla saara Hindustan ho

Har manzil ek naye safar ki shuruvat hoti hai

Vaade aksar toot jaate hai ... koshishien kamyab ho jaati hai

Agar baazuon mein imaan ki taqat, dilon mein sachai aur zubaan pe "Inquilab Zindabad" ka naara hai ... toh zindagi ki har maqsad hamare kadamon mein hoga

Insaaniyat inteqam nahi ... insaaf chahti hai, aman chahti hai

Duniya mein jeene ke sirf do hi tareeke hai ... ya toh aadmi deewaron ke neeche dab jaye ... ya phir deewaron se upar uth jaye