dialogues for Tag: Music

Seeti toh woh saaz hai joh insaan ke dil se nikalti hai ... aur saason ki taaron se bajhti hai

Bansuri ke chhed ungliyon se chupakar jaise sur nikalte hai ... apne zakhmon ko muskurahat se chupakar duniya mein khushi baatna shuru ki jiye

Goonjte hai tere nagamon se ameeron ke mahal ... jhopdiyon mein bhi teri awaaz hai ... apne sangeet pe toh sabhi ko naaz hai

Jab sangeet aur sangeetkar ek ho jaye ... toh us samay bhagwan ke darshan hote hai

Jis tarah parayi biwi apne ghar mein laane se apni nahi ho jaati na ... ussi tarah paraya music apne desh mein bajane se apna nahi ho jaata hai

Manushya ke jeevan mein sangeet ka staan asadharan hai

Meri zindagi ek saaz ban gayi hai ... aur iske har taar par sirf tumhare hi pyar ka geet gaya ja sakta hai

Yeh duniya khel madari ka, chalaki ka, hoshyari ka ... jeevan ki bansi par dukh ka dumroo dekho deta kaisi taal hai ... bol madari kiske liye yeh behroopiye ka haal hai ... paapi pet ka sawaal hai

Waqt ki chakki mein ek din zameen aur aasman pis jayenge ... lekin mohabbat ka nagma goonjta rahega ... hamesha goonjta rahega

Yahan bansuri ki bhasha koi nahi samajhta ... yeh duniya sirf lathi ki bhasha samajhti hai ... sirf lathi ki

Zindagi ke meethe sur jhoot ke taaron se nahi ... vishvas ke saaz se nikalte hai

Begam tum hi toh mere Tansen ka tambura ho na ... joh har waqt mere dil mein bajta rehta hai

Sangeet woh daulat hai jisse duniya ka koi chor chura nahi sakta, koi daaku loot nahi sakta ... sangeet woh jadoo hai jiske samne duniya ka har jadoo beqaboo ho jaata hai

Jis tarah sur aur taal ke bina sangeet poora nahi hota ... ussi tarah tum dono ek doosre ke bagair adhoore ho

Aapke anurodh pe main yeh geet sunata hoon ... apne dil ki baaton se aapka dil behlata hoon

Sangeet cheez hi aaisi hai ... saaz ho ya awaaz, kaano mein padte hi dil ke taar jhun-jhuna uthte hai ... aur chanchal mann ko shanti mil jaati hai

Tere nainon ki khidki se yeh mujhko kaun bulata hai ... chandni ishara karti hai aur chand sitaar bajata hai ... pagalpan mein kuch kar baithun toh doshi mujhko mat kehna ... is beautiful manzar ke aage kiska bas chal pata hai

Abhe oh tan-tambure ... barsaati kan-khajure!

Radio bhi badal badalkar record bajata hai ... lekin tum wahi ek record bajaogi

Jab geet swayam ke liye gaya jaata hai ... toh sangeet ho jaata hai

Hamari shayari mein apne husn ka rang bhar do ... hamari awaaz ko apni adaon ka saaz do ... hamare tassavur ko zindagi bhaksh do

Tumhare is gale ka dard kisi ke bhi mann ka dard mitta sakta hai

Hum apne pote ka dada banenge ... tabla, sarangi aur baja banenge

Aaj bajegi shehnai, ghar mein aayegi lugai ... main tere baap ka banoonga jamai

Naari aur sangeet ka bahut kareeb rishta hai ... dono mein narmi hai, loch hai, lachak hai, dard hai, soz hai, tadap hai, khichav hai, kashish hai

Sangeet ke liye masti ki zaroorat hoti hai, aur mast hone ke liye sangeet ki ... aur kavi banne ke liye sangeet ki bhi aur masti ki bhi

Meri haseen mehfil mein, ishq patthar hai aur kuch bhi nahi ... apne nagamo se zindagi de isse, ya mitta apni zindagi bhi yaheen

Yeh mere do haath jab bhi uthenge pattharon ko tarashne ... yeh goonj har baar milan ka geet bankar sunai degi ... tumhe vishvas dilane ki tum mere paas ho, mere dil mein

Bachpan mein tu jab rota tha tab log samajhte the ki tu sur mein gaa raha hai ... aur ab main jab gaata hoon toh log samajhte hai ki main ro raha hoon

Duniya ek dhol zaroor hai lekin awaaz bajane waale ke haath mein hai ... jaisa haath vaisi awaaz

Sangeet cheez hi aaisi hai ... joh us mein kho nahi jaata woh usse paa bhi nahi sakta

Main nahi gaati, meri mohabbat gaati hai ... main nahi naachti, kisi ke liye mera dil naachta hai ... aur yeh tab hota hai jab mera mehboob mere paas ho