dialogues for Tag:

Shaadi shuda zindagi mein pyar ki daal agar thandi padh jaye ... toh us mein romance ka tadka lagake fresh kar dena chahiye

Yeh shaadi, shaadi nahi balki gathbandhan ki aaisi mili jhuli sarkar hai joh lambi chal hi nahi sakti ... aaisi sadi hui Hindi picture hai joh teen ghante se chal rahi hai, khatam hi nahi hoti, chale ja rahi hai, chale ja rahi hai, chale ja rahi hai ... aaisa cricket ka match hai jis mein har over ke baad baarish ho rahi hai ... aaisi khatara gaadi hai jiska brake fail ho chuka hai, lekin bazar mein idhar udhar jaake logon ko thok rahi hai

India mein koi cheez ho na ho ... shaadi badi aasani se ho jaati hai

Aam aadmi ka naam sirf do hi baar aa sakta hai ... ek toh baap ke paise se shaadi ke card pe ... aur doosri baar mufat mein marne ke baad shok samachar mein

Shaadi karne mein aur na karne mein ek cheez toh common hai ... pachtava

Tofhe toh liye jaate hai ... lekin mangalsutra apnaya jaata hai

Jab sahi ladki mil jaye na ... toh na pyar mein deri karni chahiye aur na shaadi mein

Suhaagraat mein baraati nahi aate

Har aadmi ko ek baar shaadi zaroor karni chahiye ... kyun ki har shaadi-shuda aadmi seedha swarg mein jaata hai ... (kaise) ... kyun ki narak se toh woh guzar chuka hota hai

Happily married? ... aadmi ya toh sirf happy ho sakta hai ya married ... dono cheezein ekhatti nahi ho sakti ... impossible

Shaadi ke saath na sirf engagement ring aur wedding ring aate hai ... balki ek aur ring bhi aata hai ... suffering

Kis lallu se meri behen ne pallu bandha ... ek number ke ullu se ghar waalon ne rishta maanga

Shaadi mein sirf do jism nazdeek nahi aate ... unki aatmaon ka bhi milan hota hai

Angrez log jab hamari shaadi dikhate hai toh usse bolte hai "Monsoon Wedding" ... aur jab Hindustani log shaadi dikhate hai toh usko bolte hai "Soon-Soon Wedding" ... iska matlab chat mangni pat wedding

Shaadi ke bagair aadmi adhoora hota hai ... aur phir poora ho jaata hai

Shaadi duniya ko dikhane ke liye nahi ... duniya mein rehne ke liye ki jaati hai

Shaadi koi chand dino ki mauj masti nahi hai ... poori zindagi ka khel hai

Jab shaadi ko kuch saal ho jaate hai na ... toh usse chalane ke liye do ki nahi, teen ki zaroorat hoti hai

Marriage is a lovely institution ... it's a lovely mental institution

You marry a woman ... you marry her mother

Shaadi aur yudh mein sirf ek hi farak hota hai ... shaadi mein aap apne dushman ke saath raat ko soo sakte hain

Aaj kal toh maa baap sirf shaadi ki date aur hall ki booking karne ke liye reh gaye hai

Yeh maa baap bhi bade ajeeb log hote hai ... pehle pareshaan rehte hai ki bachcha padhega ki nahi ... phir pareshaan rehte hai ki usse job milegi ki nahi ... phir pareshaan rehte hai ki unki shaadi-waadi hogi ki nahi

Mardon ka asli rang shaadi ke baad pata chalta hai ... shaadi se pehle train ho, bus ho, bheedh ho har jagah gale padh jaate hai ... aur shaadi ke baad gale lagate hue bhi sharm aati hai

Shaadi ek vishvas hai, pyar hai ... ek vachan hai joh hum ek doosre ko dete hai

Hai aaj mere yaar ki shaadi magar main khush nahi hoon ... hai kisi ke pyar ki shaadi magar main khush nahi hoon ... maine roka usse, toka usse samjhaya bhi ... deke vaasta apni yaari ka manaya bhi ... uski rah ka patthar bana aur kaanta bhi ... phool banke uske samne murjhaya bhi ... le karke chal diya hai woh baharen dahej mein ... hai gul-e-gulzar ki shaadi magar main khush nahi hoon ... hai aaj mere yaar ki shaadi magar main khush nahi hoon ... hai kisi ke pyar ki shaadi magar main khush nahi hoon

Shaadi sirf char pheron ke bandhan ka naam nahi hota ... shaadi toh woh hai jahan dil se dil mile ... jab tak ek doosre ke man mandir mein ek doosre ki murat nahi bas jaati ... us shaadi ka koi matlab nahi hota

Phere hone ke baad beti baap ke ghar nahi ... pati ke ghar jati hai

Insaan ko usse shaadi nahi karni chahiye, jisse woh pyar karta ho ... balki usse shaadi karni chahiye, joh usse pyar karta ho

Is ghulam Hindustan mein agar meri shaadi hui ... toh sirf maut se hogi ... aur mere baraati honge is watan ki aan mein kurbaan hone waale shaheed

Main is kisam ki ladkiyon ko badi achchi tarah jaanta hoon ... baap decide karta hai ki kaunse school mein jaana hai ... maa decide karti hai ki kitni chotiyaan bandhni hai ... aur poori family decide karti hai ki kis ladke se shaadi karni hai

Shaadi ke baad ek gulab se biwi nahi maanti ... pyar, ishq aur mohabbat ka poora guldasta dena padta hai