dialogues for Tag:

Kisi ki shab-e-vasl haste kate hai, kisi ki shab-e-hijr rote kate hai ... hamari yeh shab kaisi shab hai ki ya rab, na haste kate hai na rote kate hai

Yeh aasoon bhi bade baimaan hote hai ... na gham chupane dete hai, na khushi

Sukh na rahe toh dukh apas mein milkar baant lena chahiye

Daag daaman pe nahin ... dil pe liya hai maine

Agar dukh na ho ... toh aane wale sukh ka aadmi maza bhi nahi le sakta

Bhagwan jab dukh dard devat hai ... toh saath saath sehan shakti bhi devat hai

Sukh ka amrit toh sabhi peete hai ... kintu satya aur dharam par chalkar joh dukh ka vish peete hai ... ve birlahi hote hai

Zindagi mein sirf khushiya baanti jaati hai ... gham ka bhoj har insaan ko akele hi dhona padta hai

Khushi ke mauke par dard bhara geet chedna ... badi manhoos si baat hoti hai

Pahadon se bhid jaane par bhi hridhay utna dukhi nahi hota ... jitna swabhimaan ko thes lagne par hota hai

Dukh toh sabhi ki zindagi mein hota hai ... kisi ko bin maange mil jaata hai meri tarah ... aur koi jaan-mooch ke modh le leta hai tumhari tarah

De jaam ya gham de humko ... sharaab bhi pee jaati hai aur aasoon bhi peeye jaate hai

Pehle main akela tha ... aur ab bilkul akela hoon

Gham ka ilaaj gham se nahi ... balki himmat se hota hai

Khushi ke gaane toh bilkul phuljadiyon ki tarah hai ... jalte hai aur bhuj jaate hai ... lekin udasi agarbatti ki tarah jalti hai der tak ... aur bhujne ke baad bhi mehakti rehti hai

Pushpa, mujhse yeh aasoon nahin dekhe jaate ... I hate tears

Haste huye insaan ke saath saari duniya hasti hai ... lekin jab woh rota hai toh akela rota hai

Agar hum apne buzurgon ki nakhushi ki buniyaad par apni khushiyon ki imaarat khadi karenge ... toh woh zyada din nahi tik payegi

Agar humein apne dukh pe rone ka haq hai ... toh phir apne sukh par hasne ka adhikaar bhi toh hai

Hum aane waale gham ko kheench taan kar aaj ki khushi pe le aate hai ... aur us khushi mein zehar ghol dete hai

Yeh toh main hi jaanta hoon ki zindagi ke aakhri mod par kitna andhera hai

Cancer ke keedon ke samne ... na meri zindagi ki koi keemat hai ... na tumhare aasuon ki

Beti ke aasoon dekh kar bhi yadi pita ka dil na roye ... toh woh dil nahin patthar hai

Insaan is duniya mein chaar din ki zindagi guzaarne aata hai ... lekin chaalis din ka gham usse gehre rakhta hai

Agar sharaab dukhon ko mitta sakti ... toh har aadmi sharaabi ban jata

Na koi tarang hai, na koi umang hai ... meri zindagi bhi kya ek kati patang hai

Tere zakhm meri tadap se harre hai ... meri aankh mein tere aasoon bhare hai

Kya milega bhala rulaake mujhe ... paoge kya jala jalake mujhe

Apne bachchon ke khatir kabhi na kabhi har maa ko rona padta hai ... koi aasoon bahakar roti hai aur koi aasoon peekar

Mann ko jalane se dukh door nahi hota hai ... dukh ko toh koshish karke bhulana padta hai

Humko toh gardish-e-haalat pe rona aaya ... rone waale tujhe kis baat pe rona aaya?

Dukh woh amrit hai jisse paap dhulte hai