dialogues for Tag: Drama

Vaade aksar toot jaate hai ... koshishien kamyab ho jaati hai

Duniya ke samne haath nahi jodhte ... warna kaam nikal jaane ke baad duniya waale haath todh dete hai

Aaj ki duniya mein agar zinda rehna hai ... toh duniya ke button apne haath mein rakhne parte hai

Main ek kalakar hoon ... makkar nahi

Kalakar sirf taarif ka bhooka hota hai ... paise ka nahi

Sharaab ki botal pe agar main label ki tarah chipak gaya hoon ... toh is label ko chipkane waale aap hai

Yeh insaan nahi hai ... yeh toh machine hai ... aaisi machine joh sirf note chaapti hai aur note khaati hai

Rajput ladki apne pyar ko keemti heeron ki tarah dil ki tijori mein band karke rakhti hai ... aur upar laga rehta hai sharam ka fauladi taala ... joh kabhi tootta hai toh sirf maut ke hathodon se tootta hai

Paapi pet ka sawaal do dhari talwar hota hai ... joh dono taraf kaatta hai

Har aadmi ka kuch na kuch daam hota hai ... daam dedo, aadmi tumhara

Main marke bhi maroonga nahi ... tumhare andar zinda rahoonga

Samundar ko reghistan mein badalna aur inquilab ki samadhi banana ... kisi ke bas mein nahi hai

Hamari jebon mein bhale hi daulat ki garmi na ho ... lekin hamare khoon mein bahut garmi hai, bahut jaan hai is mein ... tum logon ki tarah aircondition kamron mein bahetkar hamara khoon jam nahi gaya

Logon ko apni cheezein cheenne dega ... toh log tumhari zindagi tak cheen lenge

Aaj jee bharke mandir ke samne sar tek le ... iske baad yeh magroor sar na uthne ka kabil rahega na jhukne ke kabil

Likhne waalon ke kalam toot gaye lekin meri kahaniyan phir bhi poori na ho saki

Hum yahan se door aur kahin upar behte hue taqdeer ke likhne waale ko nahi maante ... hum uska likhne waala kalam todh bhi sakte hai ... aur kalam se likhi hui taqdeer badal bhi sakte hai

Yeh toofan toh soo raha tha aman ke badalon ko apna takiya banakar ... isse jagaya bhi tumne hai aur uthaya bhi tumne

Zindagi band ghar ka diya banke reh gayi hai ... joh na achchi tarah se jal sakta hai aur na hi poori tarah se bhujne mein aata hai

Aag se aag nahi bujhti ... naa hi zulm se zulm ka khatma ho sakta hai

Aandhiyon ke darr se log apne hi diyon ko apni hi phoonkon se bhujane lagenge ... toh mohabbat ki duniya mein sirf andhera reh jayega

Isaaniyat ka dhood pilane se saanpon ka zehar aur badhta hai

Mere andhar joh toofan uth raha hai is waqt ... jee chahta hai duniya ke saare diye bhuja doon ... mere dil ke andhar joh chitta jal rahi hai is waqt ... usmein sirf tumhari hi nahi, iski laash bhi chahiye

Auraton ke shareer ka sauda karke daulat kamane waale log toh maine dekhe the ... lekin apni maa ka sauda karne waala dalaal maine apni zindagi mein pehli baar dekha hai

Maa ka khoon chaatne wali kutte jaisi zabaan se main apna naam nahi sunana chahta

Main toh apne us dafnaaye huye kal ko kabr se wapas nikaalne ja raha hoon

Siyasat ki duniya mein maa, baap, bhai, behen, beti, damad koi kuch nahi hota ... kyun ki aadmi jab upar uthna chahta hai, tab yeh sab rishtey aur jazbaat bojh bankar usse neeche ghaseet lete hai

Pehle main tumhare pyar mein deewani thi ... aaj main tumhare izzat ki deewani ho gayi

Is aadmi ki parchai bhi kisi pe padh jaye na ... toh wahi marr jaye ... itna zehareela hai yeh

Zameen aur aasman ke beech jitni bhi cheezein hai ... mujhe dekh kar unki rooh fanaa ho jaati hai ... aag ghabrakar baraf ho jaati hai ... aur baraf ghabrakar pani

Agar usne apna rasta nahi badla toh majboor hokar hum mein apna rasta badalna hoga ... aur woh rasta khoon ke darya se hoke guzrega

Meri premika kisi ki patni bhale hi ban jaye ... kisi ki patni meri premika kabhi nahi ban sakti