Dialogues from Movies for Parties

Suna tha rishtey insaano ko ek doosre se jodhte hai ... lekin mere rishton ne toh mujhe bilkul hi todh kar rakh diya

Ek kamyab businessman wahi hota hai ... jis mein faisla lene ki ek shamta ho

Beta jab jawan ho jaata hai toh woh apne baap ke swabhiman ko ... abhiman samajhne lagta hai

Tum bhool gaye ki ninyaanve ki sankhya par ek aaisa saanp behta hai ... jiske kaatne se khiladi itne neeche gir jaata hai ... ke phir uske pass wapas upar uthne ki koi gunjaish nahi rehti

Yeh ghar mera hai ... is ghar mein bole hue mere har alfaaz kanoon ke barabar hai

Businessman woh hota hai joh poori imaandari ke saath ... apne waqt, apne hunar, apni kaabiliyat ka sauda karne ke baad muhafza kamata hai

Teri aankhen hai jheel, jharno ka hai tujh mein jadoo ... bas ek nazar dekhkar tujhko, mera dil hota hai bekabu

Jab tum mere paas nahi hote toh mera dil nahi lagta ... aur jab pass hote ho toh mera jee nahi bharta

Hamare bandhan ke samne maine maatha teka hai ... ghutne nahi teke hai

Zindagi aur kuch nahi sirf ek rishtaa hai ... joh in rishton ko todh deta hai, woh apno tak ko kho deta hai ... aur joh in rishton ko nibha leta hai, insaan toh kya bhagwan ko bhi paa leta hai

Sukh baatne se badhta hai ... dukh apnane se, dukh kam hota hai

Is tarah pyar ka izhaar nahi hota ... joh do kadam saath chale woh yaar nahi hota ... pyar karne waale kaaton pe chalte hai ... joh aa jaye sholay toh sholon mein jalte hai ... kyun tujhe mere pyar par aitbaar nahi hota ... agar dilon mein sacha pyar nahi hota ... toh yeh duniya nahi hoti, yeh sansar nahi hota

Jab sooch mein ek peedhi ka antar aa jaye ... toh dono ko apne raaste alag alag kar lene chahiye

Khudai bhi jhukti hai mere yaar ke samne ... koi tik nahi sakta mere pyar ke samne

Koi kahe jheel, koi kahe jharna, koi dilruba tujhko ... main bekhauf keh deta hoon, husn ka khuda tujhko

Yeh duniya haarne waalon ka kabhi saath nahi deti

Zindagi mein kuch banana hai, kuch hasil karna hai toh sabse important cheez hai discipline ... discipline ke bina aadmi apne destination tak nahi pahunchta

Pyar aur shaq ka purana rishta hai ... jitna zyada pyar utna hi zyada shaq

Yakeen aur jeet mein bahut kam farak hota hai ... aur jeetne waale kabhi harne ke bare mein nahi sochte

Us insaan ka marna bhi kya hai ... jiske marne ke baad usko koi dil yaad na kare

Chutki bhar sindoor ki keemat bhale hi tumhari nazaron mein ek lal rang se zyada na ho ... lekin ek suhagan ke liye yeh sindoor hi uska suhaag, uski taqat hoti hai

Aaj Pooja, kal koi dooja

Hum cake khane ke liye kahin bhi jaa sakte hai

Mujhe achchi filmein bilkul pasand nahin

Perfection ko improve karna mushkil hota hai

Ya toh dosti gehri hai ... ya yeh photo 3D hai

Pyar sooch samajh kar nahin kiya jaata ... bas ho jaata hai

Mujhe yakeen hai ki main sirf is liye janma hoon ... ki tumse pyar kar sakun ... tum sirf is liye, ki ek din meri ban jao

Agar rishteydari banaye rakhni hai toh dooriyan banaye rakhna bahut zaroori hai

Ek middle class aadmi kabhi paise nahi kamata ... sirf izzat kamata hai

Woh dekho samne aasman zameen ko choom raha hai ... aur zameen aasman ko dekhkar sharaabi sa jhoom raha hai

Pyar cheez hi aaisi hai ... dil kuch kehta hai toh dimaag nahi maanta ... aur jab dimaag kuch kehta hai toh dil tootne ka darr lagta hai