Dialogues from Movies for Parties

Apne zulm ki takat par itna naaj na karna ... kyun ki tumhari napak hasti ko nestonabud karne waala paida ho chuka hai

Aainda kisi gareeb par haath uthane ki koshish ki ... toh tumhare haathon ko bhik mangne ke kabil bhi nahi chhodunga

Hamare Hind mein auraton ko izzat ki nazaron se dekha jaata hai ... hawas aur besharmi se nahi

Uparwaala kisi ko sazaa dene ke liye khud chalkar neeche nahi aata ... ussike kehane se koi insaan zulm aur sitam ka muqabla karne ke liye uthta hai ... aur aaj main zulm ko khatam karke hi rahoonga

Tum angoor ke woh guchhe ho jinse sharab nichodi ja chuki hai ... aur Ruksana ek paka hua anaar hai jiska ek ek dana hum choos choos kar khayenge

Husn ka deewana hoon ... kabhi bhawara, kabhi bulbul, kabhi parwana hoon

Sukh aur dukh dono uparwaale ki den hai ... is liye sukh ki tarah dukh ko bhi apnana seekho

Jako rakhe saiyan, maar sake na koi ... baal na baka kar sake, joh jag bairi hoye

Main fauladi shaitan ki madad se sultan toh kya ... sari duniya par fateh hasil kar sakta hoon ... shaitan zindabad, shaitan zindabad

Josh mein mat aao varna hosh kho baithoge

Mauke diye nahi, liye jaate hai ... jahan bhi mil jaye

Daulat se kai zyada ooncha darja us insaan ka hota hai ... jiske usool aur adarsh oonche ho ... aur jinhe banaye rakhne ke khatir woh badi se badi qurbani de sakta hai

Khoobsurati ki tareef toh dekhte hi ki jani chahiye ... chahe woh koi ladki ho ya koi haseen phool

Daulat mein hi woh taqat hai joh har sapna, har umeed, har umang ko haqeeqat mein dhaal sake

Judai ka gham jitna hoga ... milan ka mazaa utna hi zyada hoga

Kehte hai sapne mein kisi ko mara hua dekho ... toh uski umar badh jaati hai

Insaan ki achchai aur burai ... ameeri aur gareebi ke palhade mein toli jaati hai

Yeh ishq nahi asaan, itna hi samajh lijiye ... ek aag ka dariya hai, aur doob kar jaana hai

Jab tarazu mein paise ka palhada halka ho jaata hai ... tab maut ka palhada bhari ho jaata hai

Joh hamara taraf aankh uthayega, hum uska aankh phod dalega ... joh saala awaaz uthayega, hum uska zubaan kaat dalega ... aur joh sar uthayega, uska sar todh dega

Mukka-laat ke baad joh mulaqat hoti hai ... badi pakki hoti hai

Jab dost ke irrade pakke ... toh dushman ke chutte chakke

Mere kanne chakku hai!

Aurat ke husn ka nishana kabhi khali nahi jaata

Jab tak is jag mein paap ka raj hai ... tab tak Jagraj hai

Mohabbat ek aaisa amrit hota hai ... ki jiski ek boond bhi agar tumhare jism mein utar jaye ... toh yeh duniya tumhe sabse zyada khoobsurat nazar aayegi

Mera baap ne mera naam Gulanand aaisi hi nahi rakha ... joh log mere saath anand se pesh aate hai ... unhe main gulab ki khushboo deta hoon ... aur joh log mere saath khroad se pesh aate hai ... unhe main gulab ke kaanton ki tarah chubne par majboor ho jaata hoon

Main tujhe aaisi maut maroonga ... ki marne ke baad tera bejaan jism mere naam se kaanpega

Meri nazar padne se pehle isse itni door le jana ... ki hawa bhi iska pata mujh tak na pahuncha sake

Jab bete ki ghar mein shikayatein aane lage aur gaon mein charcha hone lage ... toh samjho beta jawan ho gaya

Zameen kisaan ki maa hoti hai

Joh bhi Thakur ko intezaar karne ko kehta hai ... woh uski zindagi ki ghadi bandh kar deta hai