dialogues for Tag:

Har sapna toh sach nahi hota hai na ... kuch sapne aankh khulte hi hamesha ke liye toot jaate hai

Sapne unhi ke sach hote hai ... joh apni bhalai ke saath doosro ka bhi bhala chahein

Har kisi ka ek sapna hota hai ... par joh apne sapne doosro ke aasoonyo se poore karte hai ... unke sapne bhi aasoon ban jaate hai

Woh toh chale gaye, chhod gaye apni yaadein ... kuch adhoore sapne, kuch adhoore vaade

Mumbai ... ek aaisa station jahan koi bhi musafir kabhi akele nahi utarta ... uske saath koi na koi sapna zaroor utarta hai

Zindagi bahut hi khoobsurat hai ... yahan par dhoop bhi hai aur chaon bhi, yahan asha bhi hai aur nirasha bhi, yahan par phool bhi hai aur kaante bhi, yahan par khawab bhi hai aur haqeeqat bhi, yahan dil bhi hai aur dard bhi

Kholo kholo apni aankhen aur gaur se suno ... dene ko toh bahut kuch hai, par apna sa kuch dena chahti hoon ... ek boond suraj ki, ek qatra aasman ka, koyal ki aadhi kook aur kuch jagmagate sapne ... achcha lage toh aur maango ... dene ko toh bahut kuch hai, par apna sa kuch dena chahti hoon ... aasman sa aaina, ek dibbi titliyon ki, ek chamach nadi ki dhar aur ek mutthi zindagi ... achcha lage toh aur maango ... dene ko toh bahut kuch hai, par apna sa kuch dena chahti hoon

Aaj ... aaj ek hasi aur baant lo ... aaj ek dua aur maang lo ... aaj ek ansoon aur pee lo ... aaj ek zindagi aur jee lo ... aaj ek sapna aur dekh lo ... aaj ... kya pata, kal ho naa ho

Desires, dreams, khwaab, hasratein banayi hai bhagwan ne ... par duniya mein kaise jeena hai banaya hai samaaj ne, insaan ne

Tum sach ko sapna samajhke bhula dena chahti ho ... lekin main us sapne ko sach karna chahta hoon

Khwaab kabhi na poora hoga dushman ke armaan ka ... dekhen kaise paar kare woh border Hindustan ka

Woh wahi hai joh kabhi kabhi mere khayalon mein aata hai ... jise soochkar hi muskurane ka mann karta hai ... jiski awaaz meri har saans pehchaanti hai ... dil ko ussi ka intezaar hai ... jise meri tarah pyar se pyar hai

Sapne poore karna chahte ho toh jaagna seekho

Yeh woh lamhe hai jin mein maine tumhari saanson ko chua hai ... jin mein maine ek bahut haseen sa khwaab dekha hai ... yeh lamhe kabhi guzar nahi sakte

Ab ke hum bichre toh shayad kabhi khwabon mein mile ... jis tarah sookhe hue phool kitaabon mein mile

Joh beet gaya woh sapna hai ... joh aaj hai woh apna hai

Zindagi mein bada aadmi banne ka sapna maine dekha hai ... usse saakar karne ke liye joh keemat chukani padegi woh bhi main hi chukaonga

Main sapne nahi dekhta ... khud ek bura sapna hoon

Aasman paane ka khwab dekho ... suraj toh mil hi jayega

Kya bachon ki tarah cricket khel rahe ho? ... khelna hai toh mere kaale kaale lambe baalon se khel ... mere reshmi dupatte ke aanchal se khel ... mere khwabon mein aakar mere khayalon se khel

Meri nigaah ne yeh kaisa khawab dekha hai ... zameen pe chalta hua mehtab dekha hai

Tumne mujhe zindagi ke woh haseen khwab kyun dikhaye ... jiske tootne par mere andhar ka insaan hi toot gaya

Sapno ki duniya mein safalta pana aasaan hai ... par asli zindagi mein mushkil

Dil ko rokta hoon toh aankhen bhatak jaati hai ... aankhen band karta hoon toh khwab bhatak jaate hai ... khwabon ko todta hoon toh yeh haath bhatak jaate hai

Aurat ke dil ke andar joh jhankkar uske har khwab ko dekh sake ... wohi uska asli haqdaar hota hai

Service hai, salary hai, sapna hai ... settle ho ja

Yahan lakhon logon ke karodon sapne hai ... kuch sache, kuch jhoote ... kuch ban gaye, kuch toote

Apne sapnon ko sachchai mein badalne ke liye pehli shart hai ... aapke haath mein gun

Jab khuli aankhon se aadmi sapne dekhne lage, aur neend mein bhi har pal uske saath guzaare ... ussi junoon ko pyar kehte hai

Sachche dil se aur khuli aankhon se dekhe sapne ... hamesha sach hote hai

Maine kya kya sapne dekhe the ... byah karke honeymoon karne Switzerland jaonga ... lekin ab toh zindagi mein na switzer hai, na land hai, na honey hai, na moon hai

Tumhare bagair jeena kya ... jeene ka khwab bhi nahin dekh sakta