dialogues for Tag: Time

Kabhi kabhi aisa lagta hai jaise yeh sab pichle janam mein hua ho ... aur kabhi jaise kal hi

Sacha pyar sabse bada hota hai ... waqt se bhi aur kismat se bhi

Kismat se thoda sa waqt ... aur waqt se thodi si kismat churane aaya hoon

Ek hi waqt har insaan ke liye alag hota hai ... kisi ke liye achcha hota hai, toh kisi ke liye burra hota hai

Burre waqt ki ek baat achchi hoti hai ... ki woh bhi guzar jaata hai

Jitna talk time hai utna bol

Zindagi mein kuch cheezein haasil karne ke liye sahi ya galat dekh ke nahi ki jaati ... balki waqt aur halaat dekh ke ki jaati hai

Kal toh chala gaya, us pe koi control nahi ... aur aane waala kal toh tabhi sambhalega ... jab aaj kuch thik kar do

Jurm ki duniya mein waqt aur mauke ke hisaab se chalna padta hai

Yeh zindagi ek jung ka maidan hai ... yahan sar uthakar jeene ke liye insaan ko har kadam par ladna padta hai ... kabhi waqt ke saath, kabhi halaat ke saath aur kabhi maut ke saath

Signal pe rukne waale har ek aadmi ke bheje mein ek-hich tension rehta hai ... ki kab yeh signal apna rang badle aur kab woh idhar se nikal jaye ... idhar bitayele dus se pandra second bhi, saale ko ghante ke maafit lagte hai

Pyar har waqt saath rehta hai ... kyun ki pyar waqt se nahin, usse kiya jaata hai jiske saath waqt guzaarte hain

Time ka na bada game hai ... iske saath kabhi nahi khelneka

Duniya mein har successful aadmi ka saath ek na ek din success ne zaroor choda hai ... chahe woh umar ke vajeh se ho ya time ke vajeh se

Kuch aur paane ki chaah, kuch aur behtar ki talaash ... is hi chakkar mein insaan apna sab kuch kho behetta hai joh uske paas hota hai ... talaash kabhi khatam nahi hoti ... waqt khatam ho jaata hai

Rishtey waqt se nahi, jazbaaton se mazboot hote hai ... kabhi koi ek saal tak janane ke baad bhi apne dil ki baat nahi samajh paata ... toh kabhi koi kisi ko ek pal mein apna jeevan saathi maan leta hai

Apne waqt se aage hona aasaan hai ... usse sehna bahut mushkil

Aye khaak nasheeno uth baitho, woh waqt kareeb aa pahuncha hai ... jab takht giraye jayenge, jab taj uchaale jayenge

Kehte hai waqt har zakhm bhar deta hai ... magar waqt hi mera zakhm hai

Dor bahut dor jahan tak nazar jaati hai ... samay ke saath saath yaadon ka ek safar ... samundra ki leharon ki tarah saath saath chalta hai ... saath saath chalta hai

Yeh joh sagai aur shaadi ke beech ka waqt hota hai na ... bahut adhbut hota hai

Har din, ek pal, ek lamha aaisa hota hai ... jab rab sabki baat sunta hai ... aur sochi hui baat sach ho jaati hai

Joh log waqt barbaad karte hai ... waqt unhe barbaad kar deta hai

Yeh Bombay hai ... yahan time ka matlab hai paisa ... mujhe tees minute journey teen minute mein poori karni hai

Apun Anna ... chaubees ghante chaukana!

Yahan se nau do gyarah ho ja ... nahi toh teri zindagi mein aaj ke baad barah toh kya ... kabhi kuch bhi nahi bajega

Tumhe har haal mein guzre huye kal aur guzre huye pal ko bhoolna hoga

Waqt ka matlab hota hai, ab ... pyar karna hai, toh ab ... maafi maangna hai, toh ab ... haath pakadna hai, toh ab

Ameeron ke joh kutte hote hai na, woh kabhi bhaukte nahi hai ... aur jab woh bhaukna shuru karde toh samjho ki unko time khatam ho gaya

Beeta hua kal toh ek khwab hai ... uska na koi chehra hota hai na wajood hota hai ... sach toh sirf tumhara aaj hai aur tumhara aane waala kal

Pyar mein waqt ki koi seema nahi hoti

Dost nahi badalte ... waqt badal jaata hai