dialogues for Tag: Drama

Kehdo uss bade baap ki beti se ke uske samaaj mein shaadi byah ek khel hoga, joh kagaz pe kiye hue dastakhat se bhi toda ja sakta hai ... lekin hamare samaaj mein hum usse puja mante hai ... agni ke saath pheron ke baad yeh bandhan atoot ho jata hai

Jab do barabar ke log ek doosre ko kuch dete hai toh woh tofha kehlata hai ... lekin jab koi rayees kisi gareeb ko kuch deta hai toh wahi cheez bheek kehlati hai, madad kehlati hai

Paheliyon ke jawab aksar kisi agle pichle panne par likhe hote hai ... zara dhyan se dekho toh mil hi jaate hai

Bahut bada durbhagya hai is desh ka ... jahan charitra aur naitikta jaise oonchi aur keemti cheezon ko insaan ke jism ke do inch ke hisse se naapa jaata hai ... charitra toh mannsa, vaacha, karmana hota hai ... jiska mann shudh ho, vichar shudh ho, ache bol bolta ho, ache kaam karta ho ... wohi charitravan hota hai

Dharti par pedh ughe toh sab usse dharti maa kehke uski puja karte hai ... tab yeh koi jaanne ki koshish nahi karta ki iska beej kahan se aaya ... lekin aurat ke bache ko uske baap ke naam se hi jaana jaata hai is duniya mein

Aayenda jab bhi koi mard kisi aurat ki izzat par haath dale ... toh woh yaad rakhe ki woh apni mardani nahi dikha raha, balki atmahatya kar raha hai ... kyun ki aaj ke baad zindagi mein jab kabhi, jahan kahin woh ladki us mard ko dekhegi ... toh usse yeh haq hoga ki woh us kamine ko jaan se maar dale

Yaadon ke aaine mein jab waqt ki dhool jamti hai ... toh chehre dhundale ho jaate hai

Gunde toh ungliyon par ginne ja sakte hai, phir bhi yeh gunde hum karodon par raj karte hai ... kyun? ... sirf is liye ki hum mein se har insaan yeh sochta hai ki woh akela kya kare ... woh yeh kyun nahi sochta ki hum sab milkar kya nahi kar sakte

Main toh samajhta tha ki insaan ka muqadar aasman pe behta bhagwan likhta hai ... lekin mera muqadar toh likha hai aapne woh bhi kaali syahi se nahi ... lal khoon se

Jab bhi hamari kismat hum mein muskurata hua dekhti hai ... toh usse jalan hone lagti hai

Gehre se gehra zakhm bhi itna dard nahi deta ... jitna aaj tumne mujhe diya hai

Aap sirf woh dekhte hai joh aapko dikhaya jaata hai ... aur main woh dekhta hoon joh dikhaya nahi jaata

Yeh tumhara beta ho yah is mulk ke President ka ... A.C.P. Arjun Verma ki nazar sirf muzrim ko dekhti hai ... unke rishton ko nahi

Gutter ke gandhe pani mein agar puja ke phool mila do ... toh woh Ganga jal nahi ban jata

Duniya ne toh apne dil nafrat se is kadhar bhar liye hai ... ki kisi aur shay ke tikne ki jagah hi nahi bachi

Kaash unke zulm ki mujhe khabar hoti ... toh main tere jism par apna jism bicha deti

Kasoor na mera hai na tera ... kasoor hamare daaman ka hai ... jis mein phool bhi gire ... toh kaante ban gaye

Police ke insaaf aur zulm mein koi farak nahi

Pattharon ki is duniya mein devta banna toh bahut aasaan hai ... insaan banna bahut mushkil

Hum usse hi dushman samajhte rahe ... joh hamare liye masiha tha

Aaj joh khoon apne khoon ke liye pani ho sakta hai ... kal hum sabke liye zehar bhi ban sakta hai

Jab aurat baazi khelti hai toh uske haath mein jitne patte hote hai na ... utne hi uski aasteen mein

Goli ka koi imaan nahi hota ... woh yeh nahi dekhti ki jis seene mein woh ghus rahi hai ... woh seena kiska hai

Jab bade, bade na rahe ... toh bachchon ko bada banna padta hai

Seene mein jis raftaar se goli utarti hai ... usse zyada raftaar se pyar

Koi bhi insaan paidaishi mujrim nahi hota ... ya toh banaya jaata hai, ya phir ban jaata hai

Kanoon aur insaaf taqatwar ke ghar ghulam bankar behte hai

Darakar logon ko woh jeeta hai ... jiski haddiyon mein pani bhara hota hai

Aapki kabr bhi main apne haatho se khodoonga ... aur aapko dafnaonga bhi main apne haatho se

Jin gande haatho se tumne Bijuriya ke jism ko chua hai ... unhi haatho ko jodhkar tumhe usse maafi mangni padegi

Koi janam insaan ka janam nahi paoge tum ... shraap deti hoon tumhe!

Pyar mein sauda karne ki aadat in aamiron ki ... jaan le leti hai hum jaise gareebon ki