dialogues for Tag: Enemy

Joh bhaari nah ho ... woh dushmani hi kya

Hamari zabaan bhi hamari goli ki tarah ... dushmanon se seedhe baat karti hai

Saanp apne dushman ki tasveer apni aankhon mein utaar leta hai ... Bond apne dushmanon ka nishaan apne baazu saja leta hai ... apna apna style hai

Har kamyab insaan ke dushman zyada aur dost kam hote hai

Maut roz toh nahi aati, sirf ek baar aati hai ... aur uska din aur samay bhagwan muqarar karta hai ... darwaaze pe cheekne waala dushman nahi

Jab ek ki doosre se ranjish ho, usse dushmani kaha jaata hai ... aur jab do yodha mil jaye, usse jung ka elaan

Jab Rajeshwar dosti nibhata hai, toh afsaane likhe jaate hai ... aur jab dushmani karta hai, toh tarikh ban jaati hai

Apne guroor ko zinda rakhne ke liye ... hamari masoom mohabbat par apni dushmani ka aaisa koi kila mat bandiye ... jiski buniyaad aapko khoon ki nadiyon par rakhni padhe

Jab dost ke irrade pakke ... toh dushman ke chutte chakke

Yeh dosti ka haath maut ka panja tab banta hai ... jab hum dushmani pe utar aate hai

Dushmani karo toh dushman ko raaste ka bhikhari bana do ... taaki woh haath failaye, haath utha na sake

Apna ussool kehta hai ... jab dushman ki umar badh jaaye toh usse dosti karlo ... apni umar badh jaati hai

Dushman se agar fayda ho ... toh usko apna dost banalo

Apna ussool kehta hai ... agar fayda ho toh jhoot ko sach maan lo ... dushman ko dost bana lo

Purana kaam chhodne se purani dushmani nahi choot jaati

Meri pahunch Delhi se lekar shamshan ghat tak hai ... awaaz Delhi tak jaati hai aur dushman shamshan tak chala jaata hai

Mera naam hai Mahakaal ... Kali ka pujari hoon main ... libaz bhi kaala, dhanda bhi kaala aur dushmanon ko joh kafan pehnata hoon uska rang bhi kaala

Dushman ko dushmani se hi nahi ... dosti se bhi maara ja sakta hai

Pyar aur dushmani mein ek hi kadam ka faasla hove hai

Joh kam bolte hai, woh aksar khatarnak hote hai ... is liye chalak aadmi ko khamosh dushman se hamesha hoshiyar rehna chahiye

Mere baap ne mera naam Premanand is liye rakha hai ... ki main hamesha prem aur anand mein rehta hoon ... lekin jab koi hamara nuksaan karta hai toh hamara kroadh prem par haavi ho jaata hai ... aur hum dushmano ke liye Kroadhanand ban jaate hai

Jaise sher ki aankhon mein dekhkar uska shikaar apni jagah se hil nahi sakta ... waise hi mere dushman meri izaazat ke bagair kahin nahi jaa sakta

Apun ki parchai maut ka pehghaam lati hai ... apun ki awaaz jung ka elaan karti hai ... aur apun ki maujoodgi sare bazar dushman ko nanga karti hai

Shankar jab gale se gaa sakta hai ... kahin khopdi ghumi na ... toh dushmanon ko jalakar khaak bhi kar sakta hai

Dushman chahe chota ho ya bada ... usse nadaan na samajhna

Insaan aur insaaniyat ka toh main paidahishi dushman hoon ... mera bas chale toh main insaaniyat ka khoon aaise nichhod loon ... jaise log kisi phal mein se uska ras nichhod lete hai

P.C. Mathur jisse dushmani karta hai ... uski jhadon ko khood kar hamesha ke liye khatam kar deta hai

Dushmani aur dosti agar ghaadi na ho ... toh us mein koi rang nahin aata

Saanp ke bil mein ghuskar zeharilay phanon se dushmani nahi lete ... varna khoon ke saath zehar bhi dil mein ghus jayega

Insaan hi insaan ka sabse bada dushman hai ... insaan hi insaan pe zulm karta hai, usse lootta hai, uska ghar ujhaad deta hai

Jab aulaad dushman ban jaye ... toh maa baap ko atmahatya kar leni chahiye

Agar tumhare jaise dost is duniya mein hue ... toh kya zaroorat hai dushmano ki