dialogues for Tag: Drama

Taqdeer kabhi kabhi insaan ko apne hi desh mein pardesi bana deti hai

Joh zindagi bhar doondha, woh paaya nahi ... aur joh paaya, usse chaha nahi

Zindagi badi ajeeb cheez hai ... kabhi kabhi kisi se pehli bar milne par aaisa lagta hai, na jaane kitne dino se jaan pehchan hai ... aur koi koi aaise bhi hote hai joh sari zindagi ek saath rehne par bhi anjaane lagte hai

Ek amir jab marta hai toh peeche sukh chain chhodkar jaata hai ... lekin ek gareeb jab marta hai toh dukh dard chhodkar jaata hai

Tere liye toh maine nark ke darwaze bhi bandh kar diye kamine

Farz ke aage main saathi, premika aur apni jaan tak kurbaan kar sakta hoon ... aur is waqt mera farz hai tumhari jaan lena

Joh jitna door ho ... utna hi paas rehta hai

Sawaal agar khud jawaab ho ... toh sawaal, sawaal nahi rehta

Do lafz hai ... tanha, akele ... lekin ek saath likh diye jaye toh ek duniya, ek kainaat, ek talash, ek lamha, ek khushi ban sakte hai

Woh baat joh lafzo mein ada ho jaye ... woh baat hi kya hui

Hum apne dhande mein jis kisike saath taluk rakhte hai ... uski agli, pichli, sari zindagi ka hisaab kitaab apni kitaab mein rakh lete hai

Waqt se pehle aur naseeb ke baad koi cheez agar tere pass dene ko ho ... toh mujhe de dena

Kapde badalne se aadmi ki asliyat nahi badal jaati

Sochna tumhara kaam nahi ... tumhara kaam mere soche huye par amal karna hai

Kal, aaj, aur kal, ek hi zanjeer ki teen atoot kadiyan hai

Shareer par kodhe barsane se aatma ko koi farak nahi padta

Hum toh un logon mein se hai joh is duniya mein sirf shareer lekar pehda huye hai ... hamari na toh taqdeer likhi jaati hai ... na hi aasman mein hamare muqaddar ke sitare hote hai

Kabhi kabhi insaan apne paap ka ek chota sa paudha chhodkar bhaag jaata hai ... lekin kismat us paudhe ko ek pedh banakar uske samne khada kar deti hai

Apne kiye ki sazaa toh har insaan ko bhugatni padti hai ... lekin apna jurm kubool karne se, uski sazaa jhelna aasaan ho jaati hai

Aulad na ho dukh hota hai ... aulad ho aur marr jaye bahut dukh hota hai ... lekin aulad ho aur nalayak, toh bardaash nahi hota

Jis tarah insaan purane kapde phekkar naye kapde pehan leta hai ... us hi tarah aatma bhi purane jism ko chhodkar naya jism dharan kar leti hai

Jinke haath na ho woh aatma se aashirwad dete hai

Aurat ko apna maan, bhakt ko uska bhagwan, gareeb ko uski aan aur amir ko uski shaan ... bahut pyari hoti hai

Jab zindagi daudti hai ... toh ragon mein behta hua khoon bhi daudta hai

Zulm aur jhoot ki dhaali par ek baar phal lagta hai ... dobara nahi

Kulhadi mein lakdi ka dasta na hota ... toh lakdi ke katne ka rasta na hota

Ye sar kisi insaan ke samne nahi jhuk sakta jailer sab ... jhukega to uski chaukhat pe ... ya uski darbar mein jhukega

Daulat ka pedh jab bhi ughta hai ... paap ki zameen mein hi ughta hai

Yeh dard nahi zehar hai ... jise main na andhar pee sakta hoon ... na bahar ugal sakta hoon

Jab dil par bhoj ho aur dimag mein pareshani ... toh nishana kabhi fit nahi behatta

Ameer ameer hota hai, gareeb gareeb ... yeh zindagi ke sikke ke do alag alag pehlu hai joh kabhi ek doosre se mil nahi sakte ... zameen aur aasmaan sirf shayar ke khayalon mein milte hai

Koi bhi insaan janam se bura nahi hota ... pyar ki kami, galat saathi aur bura mahool insaan ko gumrah kar dete hai