dialogues for Tag: Life

Woh insaan kamzor hote hai joh apni zindagi ko sasti auraton ke saath guzaarte hai

Aadmi di zindagi vich jab sahi aurat aa jandi hai na ... tab woh zindagi poori tarah jeenda hai

Mohabbat kitaabon mein hoti hai, shayari mein hoti hai ... zindagi mein nahi

Sachi mohabbat zindagi mein sirf ek baar hoti hai ... aur jab hoti hai ... toh koi bhagwan yah khuda usse nakamyab nahi hone deta

Zindagi us bewafaa aurat ki tarah hai ... joh bure waqt mein apne pati ka saath chhod deti hai

Hamari zindagi hamari hokar bhi hamari nahi hoti ... woh marte dum tak kisi doosre ki marzi ke mutabik chalti hai

Zindagi akele kaatne mein no fun ... koi na koi saathi hona chahiye ... joh tumhare samajh mein aaye aur jise tum samajh sako, woh saathi ... aur us saathi ke saath jitne pal guzaar liye ... that's life

Zindagi ko kuredne se zung laga dil hi milta hai aur kuch nahi

Cigarettes aur zindagi mein kafi similarities hoti hai ... jaise ki cigarette ki is aag ko hi dekh lo ... log har kash ke saath is aag ko apne kareeb kheenchne ki koshish karte hai ... aag jitni aage badti hai cigarette utni ghatati hai ... aur zindagi jitni badhti hai utni ghatati hai, jitni badhti hai utni ghatati hai ... aur aaise hi zindagi katati hai

Zindagi mein kabhi kabhi dil se soochna chahiye ... lekin zindagi ke mathematics mein hamesha dimaag se soochna chahiye

Mujhe tumhari ungli nahi ... poora haath thaamna hai zindagi bhar ke liye

Apne dhande mein rishtey paalna achcha nahi hota ... zindagi ki kishtein kam ho jaati hai

Main yeh toh nahi keh rahi ki paison se khushiyan kharidi jaa sakti hai ... magar zindagi ko cash toh kiya jaa sakta hai

Taqdeer teri chutti pe hai, maut tere sarr pe hai ... lekin baatein aise karta hai, jaise zindagi tere bistar pe hai

Agni ke saat phere toh sabhi lete hai ... lekin zindagi ki aag se guzarkar joh rishta kayam hota hai ... usse pavitra, usse sacha bandhan aur koi nahi

Hamari zindagi mein na hi koi mazaa hai, na hi koi masti ... balki ek aaisi bhel puri hai jis mein chutney nahi hai ... ek aaisi kulfi hai jis mein malai nahi ... ek aaisi daal hai jis mein tadka nahi

Doobara agar mujhe haath lagaya, toh haath kaat ke aaisi jagah ghusa doonga ... ki zindagi bhar khana bhi mooh se padega ... aur nikalna bhi

Yeh zindagi nafrat ke liye bahut choti hai

Zindagi nikalti jaati hai aur hum sab pyar ke bina jeena seekh lete hai ... kyun pyar ko mauka nahi dete, kyun apno par vishvas nahi karte

Meri zindagi mein koi aur aa gaya hai ... ek sailaab, ek toofan ki tarah aur baha le gaya mujhe

Race chahe car ki ho chahe zindagi ki ... jab tum sirf jeetne ke liye kheloge na ... zaroor jeetoge

Zindagi mein dil ki baat kehne ki himmat tabhi aati hai ... jab hamara pyar hamare hi samne kisi aur ka ho raha ho

Sunrise hote hue joh baat hamare dil mein ubharti hai ... woh suraj ki tarah halke halke light up hote hi ... hamare dil-o-dimaag aur hamari poori zindagi pe cha jaati hai

Sitaron ki mehfil sajji hai, us mein ek hoor ek pari hai ... joh zindagi hamari hai, hum mein jaan se bhi pyari hai

Yeh zindagi bahut lambi hai ... aur hamare pass waqt bahut kam hai

Sachcha pyar kabhi adhoora nahi rehta ... ek na ek din toh woh poora hoga hi ... kyun ki yeh zindagi bahut lambi hai

Zindagi sirf rainbow ke saath rang nahi hai ... us mein hazaron rang hote hai

Zindagi football game se kam thodi hai .... problems ko tackle karo, darr ko block karo, goal ko score karo ... that's life

Jaane jahan tujhe kya kahoon ... mere khawabon mein, meri baaton mein, meri neendon mein, meri raaton mein bas tu hi tu ... jaaneman meri zindagi hai tu

Zindagi ek yudh shetra hai ... samne vijay ho ya parajay ... yodha ka dharm hai ladna aakhri saans tak, khoon ke aakhri katre tak ladna ... zindagi ka arth armaan ... satya aur insaaf ke liye satatya sangarsh karte rehna bas aur kuch nahi

Kisi ek insaan ki jaan lena ... matlab puri insaaniyat ko maar dalna hai

Zindagi kamaal hoti hai ... ulhaj jaaye toh jaan lele ... sulhaj jaaye toh bemisaal hoti hai