dialogues for Tag: Inspiration

Jab vichar ka deep bhuj jaata hai ... toh aachar andha ho jaata hai

Insaan ki umar utni hi hoti hai jitni woh feel karta hai

Agar tum galat raaste par chaloge ... toh ho sakta hai shuruvat mein tumhe bahut kamyabi mile, bahut khushiya mile ... magar anth mein tumhari haar hogi ... aur agar sahi raaste par chaloge ... toh bhale hi shuruvat mein tumhe kadam kadam par thokarein mile, musibaton ka samna karna pade, pareshani ho ... magar anth mein hamesha jeet hogi

Meri teen baatein yaad rakhna bete ... sachai se kabhi mooh modna nahi, zulm ke aage kabhi jhukna nahi, dil ki pehli awaaz sunna ... kyun ki pehli awaaz parmatma ki hoti hai ... bad mein shaitan bolta hai

Pyar karna koi kamaal nahi hai ... kamaal toh yeh hai ki doosre tumse pyar karne par majboor ho jaye

Fight bullets with ballots!

Insaan ki sabse badi guarantee uska apna zameer hota hai

Koi hum mein maarkar hamara anth kya karega ... mitne waale nahi hai hum, koi hamara khaatma kya karega ... zindagi ko apni qaid mein liye ghoomte hai hum ... koi zindagi se hum mein juda kya karega

Hum bhale hi upar waale ko alag alag naam se pukarte hai ... lekin hamara dharam ek hai mazhab ek hai ... insaniyat

Yeh Musalman ka khoon yeh Hindu ka khoon ... bata is mein Musalman ka kaunsa Hindu ka kaunsa, bata!

Agar aap log yeh chahte hai ... ki aap logon ki khuddi ko mittane ke liye agar gundon ki khudai bhi aa jaye aur mitta na sake ... toh aap logon ko khuddar banna padega

Avesh ho ya dukh ho, gussa ho ya khushi ... apni bhavnaon ko paanch minute tak roke rakho ... un paanch minuton mein mann shaant ho jayega ... aur shaant mann se lena waala har ek faisla achcha hi hoga

Duniya mein insaan sirf apne liye pehda nahi hua hai ... doosron ke liye jeekar dekho ... zindagi ka matlab samajh jaogi

Insaan ko zindagi mein sab kuch mil toh nahi jaata ... tamannayein toh bahut hoti hai lekin sabhi poori nahi hoti ... fark sirf itna hai ki kuch log aansoon bahakar jeete hai aur kuch log apne dil ka dard chupakar jeete hai

Duniya ke rachaita Brahma ne har insaan ka bhagya likhkar hi usse is duniya mein bheja hai ... sukh aur dukh uske zaroori ang hai ... is baat ko samajhkar joh jeeye us hi ka naam zindagi hai

Duniya mein koi aisa insaan nahi hai jise kabhi galati na ho ... lekin sahi insaan woh hai joh sahi waqt par galati ka paschatap karle

Insaaf na kanoon de sakta hai na police ... agar koi insaaf de sakta hai ... to ek insaan doosre insaan ko de sakta hai

Is dharti par paapi pehda toh hote hai ... lekin un paapiyon ka anth karne waalon ko yeh dharti maa pehle hi janam de chuki hoti hai

Musibaton ka saamna himmat se karna chahiye ... aasunyon se nahi

Insaan ka dimaag hi sab kuch hai ... joh jitna chala leta hai, utna paa leta hai

Khoobsurati woh nahi hoti joh aaine mein dikhai de ... khoobsurati woh hoti hai joh aaine mein nazar na aaye

Prem ki sabse badi kushalta yeh hai ... ki is mein lene waala bhi kuch deta hai aur dene waala bhi kuch paata hai

Gussa insaan ka sabse bada dushman hai ... jisse gusse par kabu nahi, woh kisi cheez par kabu nahi rakh sakta ... gussa insaan ki akal ko kha jaata hai

Vishwa mein unhi atmaon ko puja jaata hai ... joh shanti ke marg par chalte hai

Hum aankhon se soorma nahin churate ... hum aankhen hi chura lete hain

Jisne dil pe zakhm khaye ho, woh is zakhm se kya gabrayega ... peeye ho jisne khoon ke aasoon, kya woh is khoon se mar jayega

Yahan Punjabi hai, Gujarati hai, Marathi hai, Bangali hai ... lekin Hindustani koi nahi hai

Duniya ke raste bade kathin hote hai ... lekin tum nirash na hona, himmat na harna ... koshisho ke pedho par hi kamyaabi ke phal lagte hai

Mann ke haare haar hai ... aur mann ke jeete jeet

Jab kuch karne aur na karne dono mein hi risk ho ... toh kuch karna hi achcha hota hai

Jahil ki baaton ka jawaab ... khamoshi hota hai

Faanoos banke jiski hifaazat hawa kare ... woh shama kya bhuje jise roshan khuda kare