dialogues for Tag: Life

Jeena usse kehte hai ... jisse kisi doosre ko zindagi mile

Jeevan ek sapna hai, duniya ek maya hai ... yeh main nahi kehta hoon, yeh vedon ne bataya hai

Duniya ek stage hai, zindagi uska drama hai, insaan keval naam-matra actor hai aur maut uska parda hai

Noton ki seedi par chadkar aakash ko choone ki koshish mat karna, warna gir jaoge ... itni chotein lagegi, ki agla janam lene ke baad bhi shareer zakhmi hoga

Jaise ki rahi bina rasta suna, sindoor bina maang suni, aur pyar bina jeevan suna hota hai ... vaise hi seeshay ke bina khidki suni hoti hai

Tumhari zindagi chaku ke dhaar se khelti hai ... aur tumhare pankh gundagardi ke dal-dal mein dhasse hai ... jitna nikalne ki koshish karoge, utna hi dhasste jaoge

Sirf saanson ke aane jaane ka naam hi toh zindagi nahi ... saans toot bhi jaye toh kya, saans kho bhi jaye toh kya?

Har din ki kismat mein aftab nahi hota ... lekin phir bhi har din zindagi ka ek naya daur shuru hota hai

Zindagi ke meethe sur jhoot ke taaron se nahi ... vishvas ke saaz se nikalte hai

Daulat se zindagi ka har jazba, har lamha khareeda ja sakta hai

Chakravyuh mein ghusne se pehle kaun tha main aur kaisa tha, yeh mujhe yaad hi na rahega ... chakravyuh mein ghusne ke baad mere aur chakravyuh ke beech sirf jaanleva nikatta thi, iska mujhe pata hi na chalega ... chakravyuh se bahar nikalne par main mukt ho jaon bhale hi, phir bhi chakravyuh ki rachna mein fark hi na padega ... maron ya maaron, maara jaon ya jaan se maardon, iska faisla kabhi na ho payega ... soya hua aadmi jab neend mein se uthkar chalna shuru karta hai, tab sapnon ka sansar usse dobara dikh hi na payega ... us roshni mein joh nirnay ki roshni hai, sab kuch samaan hoga kya ... ek palhade mein napunsakta, doosre palhade mein parush aur theek tarazu ke kaante par ardh satya

Milna bichadna jeevan ki reet hai ... do pehlu hai ... ek gham ka doosra khushi ka

Agar zindagi mein bada banna hai toh ek baat yaad rakho dost ... apni taqdeer ke vidhaata khud bano

Jin jin cheezon se zindagi, zindagi lagti hai ... kambhakt doctor unhi ko cheen lete hai

Zindagi bhi kitni dilchasp hai ... woh har naye anubhav ke saath thokar lagati hai ... ek naye sabak ke liye

Joh log sachchai ki tarafdari ki kasam khate hain ... zindagi unke bade kathin imtihaan leti hai

Us rakshas ki di hui maut tumhari di hui zindagi se kahi behtar hogi ... woh ek baar ki maut hogi ... lekin tumhari di hui zindagi ke har pal main ek maut marta raha hoon

Sabhi insaan ek jaise hi toh hote hai ... wahi do haath, do paun, aankhen, kaan, chehra ... sabke ek jaise hi toh hote hai ... phir kyun koi ek, sirf ek aaisa hota hai ... joh itna pyara lagne lagta hai ... ke agar uski liye jaan bhi deni padhe ... toh haste haste di ja sakti hai

Palne waala pehda karne waala se kahin uncha hota hai ... maa toh sirf janam deti hai na ... lekin zindagi deti hai palne waali

Zindagi badi ajeeb cheez hai ... kabhi kabhi kisi se pehli bar milne par aaisa lagta hai, na jaane kitne dino se jaan pehchan hai ... aur koi koi aaise bhi hote hai joh sari zindagi ek saath rehne par bhi anjaane lagte hai

Koi rishta kitna hi bada, kitna hi gehra kyun na ho ... zindagi ka hissa hota hai ... zindagi kisi rishtey ka hissa nahi, ki ek rishta khatam ho jaye toh zindagi khatam ho jaati hai

Aaj tak toh gham-e-rozgaar se daaman nahi chuda saka ... aap se milne ke baad shayad gham-e-dil se rishta ho jaye

Hum apne dhande mein jis kisike saath taluk rakhte hai ... uski agli, pichli, sari zindagi ka hisaab kitaab apni kitaab mein rakh lete hai

Zindagi insaan ko laati hai, maut le jaati hai ... yeh sharaab beech mein kahan aati hai

Jab zindagi daudti hai ... toh ragon mein behta hua khoon bhi daudta hai

Aurat ki zindagi doodh ki tarah hoti hai ... jisko ek zara se namak ki dali bhi bekaar kar deti hai

Yeh zindagi bhi ek ajeeb khel hai ... is khel mein bewakoof, kayar aur apahij tamasha dekhte hai ... aur akalmand, hauslamand and bahadur kood padte hai

Ab toh mere liye waqt tehar gaya hai re, zindagi tehar gayi hai ... ab toh sirf saans ke tehar jaane ka intezar hai

Hamara aadmi pehle zindagi se alag hota hai ... baad humse

Jab jab adharm ka sar uthta hai ... tab tab dharm devta ka paon usse kuchal deta hai ... jab jab Ravan pehda hota hai ... Ram ko janam lena hi padta hai ... jab bhi Kaurav atyachar karenge ... Pandav unhe nasht kar denge ... yahi yudh dharm hai, yahi jeevan karam hai

Tumhari mehfil se agar jaan bach bhi gayi, toh hum kisi doosri bazm mein shikaar honge ... is liye humne tay kiya hai, ki hum tumhari hi khatir jaan denge

Tumse itna pyar karoonga ki zindagi tumhare kadmon mein hogi ... aur maut tumhare liye bemaani ho jayegi