dialogues for Tag: House

Do Hindustani picturon ki poster deewar pe tangane se koi Hindustani nahi banta ... Hindustani woh hota hai joh apna ghar jalakar doosro ko dabishta hai

Yeh eent patthar se makaan, chhat, deewarein toh ban sakti hai ... lekin ghar nahi

Woh kehte hai mera desh uska nahi, phir kyun mere ghar woh rehti hai ... woh kehte hai main us jaisa nahi, phir kyun mujh jaisi woh lagti hai

Main ek kamre ke ghar mein rehta tha ... aaj mujhe pata nahi mere ghar mein kitne kamre hai

Apne aangan ki bedh doosre ke ghar mein phale phoole toh ... ghar ke armaan maati mein mil jaate hai

Chor ke ghar mein chori karne ko paap nahi kehte

Mohabbat ki chingari ko gusse ki phoonk maaro ... toh aaisi aag badhakti hai ki ghar ke ghar jal jaate hai, mahal toot ke bikhar jaate hai

Madh island ka beach ... beach par bungla ... aur bunglay mein Vimla aur Mangla

Us aadmi ka sab kuch ho kar bhi kuch nahi ho sakta ... jiska ghar nahi bana hota

Aapke ek shaunk ki keemat ... hamari kahi chhaton ki keemat hai

Tera mera sheeshay ka ghar ... phir kyun dono ke haath mein patthar ... main bhi soochon, tu bhi sooch ... kya tujhe maloom na tha leheren aati hai, jaati hai ... phir bhi kyun likha naam ret par ... tu bhi sooch, main bhi soochon ... kyun teri behen beti ghar mein aur kisi ki bazaar mein ... tu bhi sooch, main bhi soochon

Dil koi kiraye ka ghar nahi hota ... ki ek jaye, doosra aaye

Ab ke saawan mein yeh shararat hamare saath hui ... hamara ghar chodke saare shehar mein barsaat hui

Bhai yeh room toh ... shuru hote hi khatam ho gaya

Ghar waala ghar nahi ... hum mein kisi ka darr nahi

Ghar saaf sutra ho, toh mann bhi khush rehta hai

Ladki ko bhagake laane mein ek bahut bada faida hai ... ladki baar baar maa baap ke paas jaane ki dhamki toh nahi degi

Yeh aasoon mere dil ki zubaan hai ... mere vaaste na koi ghar hai, na makaan hai

Yaad rakh, tere paas hamare khilaf proof hai ... magar tera ghar bulletproof nahi hai

Ghar kabhi chota ya gareeb nahi hota ... ghar toh uske ghar waalo se bada hota hai

Kai baar logon ke liye yeh faisla karna mushkil ho jaata hai ... ki hamara dil bada hai yah hamara bungla

Ghar se door raho toh ehsaas hota hai ... maa kya hoti hai, ghar waale kya hote hai

Is duniya mein chahe woh insaan ho yah makaan ho ... ek din mitt hi jaata hai ... nahi mitta hai toh woh hai pyar

Phere hone ke baad beti baap ke ghar nahi ... pati ke ghar jati hai

Sirf ghar se bahar jaane waali aurat badchalan nahi hoti ... ghar ki baatein charon taraf bahar karne waali aurat bhi badchalan hoti hai

Apun ke ghar mein aake, apun ko gaali deke, apun ko dhamkakar, apun ko badmash bolkar agar tum zinda khada hai na ... toh isse badke aur koi sharafat nahi ho sakti

Kissi ke ghar baar baar jaane se izzat kam ho jaati hai

Ghar ki izzat sanskaro par khadi hoti hai ... daulat ke dherro par nahi

Galat raaste se ghar mein ghusne waale galat hote hai

Kutta chahe bunglay mein rahe yah gali mein, doodh piye ya naale ka pani ... uski dum seedhi nahi hoti ... kyun ki basically woh kutta hai

Bahut hi jald is sadak par joh sabse bada bangla hoga woh Raj Malhotra ka hoga ... jis building mein tumhara office hai, uske top floor ke upar joh sabsa bada office hoga woh Raj Malhotra ka hoga ... aur joh signal par sabse badi gaadi rukegi woh Raj Malhotra ki hogi ... aur tum toh achchi tarah se jaante ho ki Raj Malhotra main hoon

Kabhi kabhi ghar ke bachche ... ghar ke badhon ko sahi raaste dekha dete hain