dialogues for Tag: Time

Insaan ka jab waqt pura ho jaye ... toh kadam khud ba khud wahan pahuncha dete hai ... jahan maut bahen phalye uska intezar kar rahi ho

Sankat ke samay toh savdhani hi sabse bada dharm hai

Badkismati aur khushkismati mein bahut kam faasla hai ... dono ke palatne mein der nahi lagti

Kabhi kabhi sainkro saal ek pal ke aage haar jaate hain

Din mein sirf chaubees ghante hote hai aur kaam ek sau chaubees

Halaat, kismatein, insaan, zindagi ... waqt ke saath saath sab badal jaata hai

Waqt ki chakki mein ek din zameen aur aasman pis jayenge ... lekin mohabbat ka nagma goonjta rahega ... hamesha goonjta rahega

Waqt, mauka, nazaqat, halat ... kuch toh dekh kar aaya karo?

Maut ka ek waqt hota hai ... na woh pal bar pehle aa sakti hai, na pal bar baad

Kal mila waqt toh zulfein teri suljha doonga ... aaj uljha hoon halaat ke suljhane mein

Kal ka intezaar karna seekho ... kal parso nahin aayega ... kal hi aayega

Samay woh pal hai jis mein ek ajnabi se modh par ... udhar se aata ajnabi, idhar se aate ajnabi ko dekhkar ruk jaye ... aur sochne lage ki hum kabhi na kabhi, kahin na kahin pehle bhi mil chuke hai

Waqt jin mein tumhare labon ka rang nahi ... woh waqt guzra nahi ... tehar gaya hai kahin

Waqt se pehle aur naseeb ke baad koi cheez agar tere pass dene ko ho ... toh mujhe de dena

Waqt ki pabandi aadhi kamyabi hai ... aur baki lagan, shauk aur iraade se milti hai

Ab toh mere liye waqt tehar gaya hai re, zindagi tehar gayi hai ... ab toh sirf saans ke tehar jaane ka intezar hai

Joh khuda ke pyare hote hai ... woh waqt se pehle khuda ko pyare nahi hote

Waqt aane par na dushman ko chhodna chahiye ... na saanp ko dekhkar laathi ko todna chahiye

Gadhi ki sui aur juae ki baazi ... kabhi nahi rukni chahiye

Kisiko apnane ke liye waqt ki zaroorat nahi hoti

Kaam karna ho ... toh waqt ka mooh nahin dekhna chahiye

Paise kamane ke do tareeke hai ... ek toh zabardast mehnat, lekin uske liye bahut samay ka intezar karna padta hai ... aur doosra bagair mehnat ke insaan amir ban sakta hai, lekin uske liye hausle ki zaroorat hai

Mujhse paanch minute na milkar ... aapne apna paanch lakh ka nuksaan kiya hai

Zindagi ki kuch baatein itni khoobsurat hoti hai ... joh waqt se pehle nahi batayi ja sakti hai

Musafir jab manzil se bhatak jaata hai ... toh waqt ki tapadein usse aur bhi gumrah kar deti hai

Woh pyar hi kya joh samay ke parivartan ke saath badal jaye

Sadu, samay aur jal kabhi ek jagah nahi tikte ... suraj ki tarah chalte hi rehte hai

Hum waqt ka intezaar nahi karte ... waqt hamara intezaar karta hai

Waqt ke saath saath aadmi thoda bahut zaroor badalna chahiye ... varna waqt burra maan jaata hai

Samay kisi ka ek sa nahi rehta ... joh aaj tumhara hai, woh kal mera hoga

Intezari ka waqt aur dil se bahut taluk hota hai ... jab humne intezar kiya toh unka dil nahi tha ... aur jab unhone intezar kiya toh hamara dil nahi tha

Sher Khan aaj ka kaam kal par nahi chodta