dialogues for Tag: Life

Zindagi ek natak hi toh hai, lekin zindagi aur natak mein farak hai ... natak ko jahan chaho, jab chaho badal do lekin ... zindagi ke natak ki dor toh upar waale ke haath mein hai

Gunaah ke samundar ki koi bhi machli ... tumhare jeevan ke pavitra nadi mein kabhi nahi aayegi

Zindagi mein agar kisi ne mere liye dua ki ho ... toh woh bhi tujhe lag jaye

Jis din mujhe thoos saboot mil gaya ... tumhari zindagi ka aakhri panna main likhonga

Agar bhagwan bhi insaan se uski zindagi maange, toh insaan kabhi nahi dega ... is liye bhagwan bhi cheen kar hi leta hai

Tumhari zindagi mere haath mein hai ... aur tumhari maut bhi

Har insaan ko apni zindagi jeene ka aur apni maut marne ka haq hai ... lekin hum mein maut ko bhoolkar, zindagi ko gaale laga lena chahiye

Jaan ki baazi lagane waala hota hai janbaaz ... jeene ka hai marne ka hai, apna hi andaz

Badhon ke mooh se nikli hui gaaliyan ... choton ko dua bankar lagti hai ... joh badhon ki daant kha leta hai ... woh zindagi ki thokarein nahi khata

Aankhon se ojhal hone ka dukh toh aadmi sehan kar sakta hai ... kyun ki us mein jeevan ki ek dhara behti rehti hai ... lekin jeevan jab mrityu ka roop dharan kar leta hai ... toh sari ashaon ka anth ho jaata hai

Asli sazaa toh woh hoti hai ... joh gunahgar zindagi bhar bhugatta rahe

Bikke huye logon ki zindagi aur maut ... khareedne waalon ke haathon mein hoti hai

Apne jeevan ka andhera mittane ke liye maine tujhe diya jalane ke liye kaha tha ... tune toh mujhi ko jalakar apne jeevan mein ujala kar liya

Mujhe tumhari maut nahi, zindagi chahiye

Meri zindagi aur maut par toh hukumat kar sakte hai aap ... lekin mere dil par nahi

Woh log kamzor hote hai jinhe zindagi jahan chahti hai wahan le jati hai

Aap sab apni dabi hui, kuchli hui, zillat bhari zindagi ka bojh utha sakte hai ... magar zulm ke khilaaf awaaz uthane ko tayaar nahi

Main zindagi se nahi ... apne aap se naraaz hoon

Hamari zindagi ka tambu teen bambuon pe khada hua hai ... shayari, sharaab aur aap

Meri zindagi ek saaz ban gayi hai ... aur iske har taar par sirf tumhare hi pyar ka geet gaya ja sakta hai

Maut zindagi ki har tasveer ka doosra rukh hai ... karam ache kiye ho toh maut achi milti hai ... pani ki tarah gale se utar jaati hai ... aur agar tumhare jaise karam bure kiye ho toh maut bhi buri hi milti hai ... ek sookhi roti ke tukde ki tarah gale mein atak jaati hai ... neeche nahi utarti

Halaat, kismatein, insaan, zindagi ... waqt ke saath saath sab badal jaata hai

Jab insaan jawan hota hai toh usse samaaj aur society ki parvah hoti hai ... shaadi ke baad usse biwi bachon ki fikar hoti hai ... aur budhape mein toh sare parivar ki ... yahi toh insaan ki kamzori hai, yahi jeevan sangram hai ... jis mein rakht aur maas ka sangharsh nafrat aur mohabbat ke saath zindagi bhar chalta rehta hai

Fiza bhi kuch nashe mein hai ... shabaab hai, sharaab hai ... joh yeh nahi toh zindagi azaab hi azaab hai

Logon ko apni cheezein cheenne dega ... toh log tumhari zindagi tak cheen lenge

Tumhari jaan mere liye bahut keemti hai ... magar meri jaan mere liye, tumhari jaan se zyada keemti hai

Tum bahut khush kismat ho ... joh aaj tumne Shaka ki sirf muskurahat dekhi hai ... maathe pe padhe huye woh bal nahi dekhe ... joh zindagi ke khet mein maut ke hal chala dete hai

Zindagi band ghar ka diya banke reh gayi hai ... joh na achchi tarah se jal sakta hai aur na hi poori tarah se bhujne mein aata hai

Pichle janam mein tum zaroor maachis ki dibiya rahe hoge ... is liye is janam mein baatein kam aur mooh se chingaariya zyada nikalte ho

Tumhari khushi ke liye ... jeena hi meri zindagi hai

Kanoon ki koi bhi kitaab zindagi ki kitaab se badhkar nahi ho sakti

Shaadi janam janam ka bandhan hai ... aur yeh bandhan swarg mein hi tay ho jaata hai