Dialogues from Movies for Parties

Har kamyab insaan ke dushman zyada aur dost kam hote hai

Girne waala gehrai thodi dekhta hai

Daulat ki jung mein toh sab jayaz hai

Shaitaan chahe mahal mein rahe yah jhopde mein ... woh shaitaan hi kehlata hai

Adhikar maange se nahi milta ... usse cheenna padta hai

Daulat insaan ki zaroorat hoti hai ... lekin agar woh kamzori ban jaye, toh phir musibat ban jaati hai

Pyar mohabbat ka rishta ... kisi pabandi ka mohtaj nahi hota

Kehte hai gusse mein ladki ki khubsoorati aur badh jaati hai

Lalach ki zameen par daulat ki fasal kabhi nahi ughti

Atyachari, durachari ... tu jaanta hai main hoon bal-brahmachari

Mujhpe aaisa aarop ... ab dekh mera prakop

Tum kya samajhte ho kanoon koi khilona hai, mujrimon ke samne bauna hai? ... arre ab toh wohi hoga joh hona hai

Prem ki koi seema nahi hoti aur naa hi uska koi wazan hota hai ... prem ka koi hisaab kitaab nahi hota ... is liye toh kehte hai ki prem hi ishwar hai aur ishwar hi prem

Log pyar mein zindagi haar jaate hai, aap ek inkaar se haar gaye?

Zindagi toh dhoop chaon ki tarah hoti hai ... is mein agar bure log hai, toh achche log bhi hote hai

Ek maa jise doodh pilati hai ... uske saaye tak ko pehchanti hai

Jis bete ke sar par apni maa ka aashirwad ho ... usse tum jaise shaitan toh kya bhagwan bhi nahi maar sakte

Alla re alla inspector Bhinde alla ... haath mein leke kanoon ka tala

Insaan toh waqt ki tarah hota hai ... badalte hi rehta hai

Itna roye, itna roye ... laga jaise municipality ka gutter phat gaya ho

Saabit kar diya tune aaj ... ki mujh jaisi nagin ki kokh se ... tujh jaisa sapola hi paida ho sakta hai

Hum toh gulaab lene gaye the ... yahan toh guldasta hi haath mein aa gaya

Malik banna hai toh kheto mein kaam kar ... kyun ki asli khazana kitaabon mein nahi, zameen mein chupa hai beta

Maine bhi tum logon ka tel nahi nikaal diya ... toh main bhi apne baap ki beti nahi

Tu mera dulha toh kya ... kisi ka dalaal banne ke layak bhi nahi hai

Khud laat marte ho aur mujhe gadha kehte ho?

Aaj ke baad woh jagega toh maa kahega, soyega toh maa kahega, jeeyega toh maa kahega ... aur marega tab bhi maa kahega

Aye buddhe ... pet mein aant nahi hai, mooh mein daant nahi hai ... chumma lega?

Wah, kya saas ho tum ... abhi tak bahu ke haath ki mehandi nahi chhooti ... aur tumne apna rang dikhana shuru kar diya

Hum us desh ke waasi hai jis desh mein Ganga behti hai ... aur jis desh mein bahu apne saas sasur ke samne sar par pallu daal ke rehti hai

Yeh daur patthar khane waale Majnu ka nahi ... yeh daur us aashiq ka hai joh apni mehbooba ke liye seene par goliyan kha jaye

Jab apne hi ghar mein ghumshuda naujawan ladka tanhaiyon sargoshiyan karta dikhai de ... jab kisi se baat karte hue uske alfaaz uska saath dene se inkar karde ... kisi ki yaad uski masroofiyat ban jaaye toh samjho ... he is in love