dialogues for Tag:

Dharti par pedh ughe toh sab usse dharti maa kehke uski puja karte hai ... tab yeh koi jaanne ki koshish nahi karta ki iska beej kahan se aaya ... lekin aurat ke bache ko uske baap ke naam se hi jaana jaata hai is duniya mein

Maa se badkar duniya mein koi cheez nahi hoti ... koi rishta nahi hota ... koi jazba nahi hota

Zindagi mein insaan do hi baar gehri neend sota hai ... maut ki gaud mein yah maa ke aanchal mein

Bhagwan sansar mein har jagah har ghadi nahi reh sakta ... is liye usne apne badle ghar ghar mein maa ko pehda kiya hai

Maa ka dil sab kuch jaanta hai ... bete ka sukh, bete ka dukh ... sab kuch usse pehle se hi maloom hota hai

Jab maa ka dil tadapta hai na ... toh aasman mein bhi daraarein padh jati hai

Jab ladki jawan ho jaati hai na ... toh maa uski maa nahi rehti ... sehali ban jaati hai

Kaun hai woh jisne meri maa ke gale se mamta ka zevar utaarkar apne naam ka mangalsutra pehna diya ... kaun hai woh jiski lambi umar ke liye meri maa Karva Chauth ka vrat rakhti hai ... kaun hai woh joh meri maa ke dil mein mohabbat bankar aur mere dil mein nafrat bankar panap raha hai?

Khabardaar joh meri maa ke pair chuye kamine ... maa ke pairon tale swarg hota hai aur main tujhe in pairon ko chune ke kabil nahi samajhta

Waqt ne teri yadasht ko bhale hi khokla kar diya ho ... lekin tera diya hua har zakhm meri maa ke dil mein utna hi taza hai ... jitne mere daaman par mere baap ke aasoon

Jitna khoon mere haath se baha hai ... utna toh tune maa ka doodh bhi nahi piya hoga

Agar mere maa baap ko kuch hua na ... kaat daloonga

Mere do do baap ... mere do do baap!

Aulad ke aasoon baap ke dil pe tezaab ke boond ki tarah girte hai ... aur usse challi kar dete hai

Jab koi bachcha nahin sota, to uski maa kehti hai ki ... soja soja soja nahin toh Gogo aa jayega

Duniya mein abhi tak kisi government ne aaise note nahi banaye ... joh ek baap se uske bete ko khareed le

Tum woh badnaseeb aurat ho joh pati ke hote hue patni na ban saki ... aulad ke hote hue maa na ban saki ... nawasi ke hote hue nani na ban saki

Ek maa ke dil se nikli hui dua ... uske bete ko zameen se aasman ki bulandi tak pahuncha sakti hai ... aur ussi maa ke dil se nikli hui baddua ... tere in mahalon ko jalakar raakh bhi kar sakti hai

Baap ke kandhe ke barabar jab bete ka kandha ho jaata hai ... toh woh baap ki zimmedari aur jawabdari dono ka bhoj uthane ke kabil ho jaata hai

Duniya mein sab kuch mil jaye, sab kuch ... lekin maa nahi mili, toh samjho kuch nahi mila

Zindagi mein tu kabhi sukhi nahi ho sakta ... mere bachchon ki hai tera sukh chain sab kuch cheen legi ... tu tabha ho jayega ... yeh ek maa ki baddua hai

Maa bete ka bhavishya chunti hai, duayen chunti hai ... uske jism ke tukde nahi

Ek kaayar bete ka pita kehlane se kahi behtar hai ... ki ek bahadur shaheed ka baap kehlaon

Rakhail aurat ki koi jaat nahi hoti ... aur na hi koi aurat kisi jayaz ya najayaz aulad ki maa kehlati hai ... woh toh sirf maa hoti hai

Maa ki mamta aulad ki zindagi ke liye amrit hai ... lekin jab woh mamta andhi ho jaye toh zehar ban jaati hai

Ek maa ki fariyad jab woh dil cheerkar, aasunyon se nahakar nikalti hai ... toh joh cheez aag aur tezaab se jalti ... usse jala deti hai

Ek aurat jab tak maa nahi banti ... woh adhoori rehti hai

Khilono aur tohfo ki bachchon ko itni bhook nahi hoti jitni maa baap ke pyar ki

Aisa hamesha zaroori nahi hai ki jis raaste par maa baap chale ... ussi raaste par aulad bhi chale

Tum toh aaise zaleel insaan ho ... ki tumhe agar munafa nazar aaye toh dharti maa toh kya ... tum toh apni sagi maa ko bhi bech doge

Ek maa jise doodh pilati hai ... uske saaye tak ko pehchanti hai

Jis bete ke sar par apni maa ka aashirwad ho ... usse tum jaise shaitan toh kya bhagwan bhi nahi maar sakte