dialogues for Tag: money

Aag petrol ko nahi chhodti ... nevla saanp ko nahi chhodta ... aur jab main paison ka hisaab jodhta hoon toh main apne baap ko nahi chhodta

Pati ek bank balance hota hai, ek tijori hota hai ... jis mein se paise nikaal nikaalkar gehne banwao, sareeyan khareedo, mauj karo mauj ... lekin unka dil rakhne ke liye kabhi unka sar dabao, kabhi unke pair dabao ... haala ki dil toh karta hai ki unka gala dabao, taaki jhanjhat hi khatam

Woh jeb toh maine kabhi silvahi hi nahi ... jis mein daulat ke alava aur bhi kuch rakha jaye

Duniya mein abhi tak kisi government ne aaise note nahi banaye ... joh ek baap se uske bete ko khareed le

Pyar dhan, daulat, khandan nahi ... sirf dil dekhta hai

Wafaadari par note ke dher lagata hoon ... toh gaddari pe gaddaron ke seene par maut ke medal bhi laga deta hoon

Har crorepati apni zindagi ek rupai se shuru karta hai ... aur har bikhari bhi

Aadmi janam se juari hota hai ... taqdeer ki baat hai ki kuch log jua mein sab kuch haar jaate hai aur kuch log crorepati ban jaate hai

Pyar ek aaisa rishta hai, ek anmol heera hai ... jise sirf pyar khareed sakta hai ... duniya ki koi daulat khareed nahi sakti

Insaan daulat ke liye apno ka khoon bhi baha deta hai

Hamare business ka ek ussool hai ... ke rupiya do toh ginn ke do, rupiya lo toh ginn ke lo

Hum gareeb log hai na khali jeb se gareeb hote hai ... dil se bahut bade hote hai hum log ... magar yeh daulat waale saale dil se gareeb hote hai ... inke paas pyar mohabbat naam ki koi cheez nahi hoti, koi kadar nahi karte uski ... aur agar kadar karte hai toh sirf daulat ki

Sirf paise ke liye jaan ka sauda toh chor, daku, smuggler aur badmash bhi karte hai ... lekin ek jhande ke liye jaan ka sauda sirf ek sipahi karta hai

Pandra sau ki naukri karne waala ... ek din tujhe dedh sau ka kafan pehnayega

Aaise naukri kaise milegi bhai ... is ulti duniya ko sar ke bal khade hokar dekhoge toh seedhi nazar aayegi ... apni arzi par wazan nahi rakha, hawa mein udh jayegi

Main samajhti thi ki shaadi do insaano mein hoti hai ... lekin tumhare pitaji se pata chala ki shaadi ek insaan ki doosre insaan ke saath nahi ... ek bank balance ki doosre bank balance ke saath, ek haisiyat ki doosre haisiyat ke saath, ek rutbe ki doosre rutbe ke saath hoti hai

Amir aadmi kabhi kabhi itna gareeb hota hai ... ki uske paas paise ke sivah aur kuch nahi hota hai

Maine aasoon bechkar daulat nahi kamai ... joh aasoon dekhkar daulat luta doon

Darr aur dehshat ki eenton par hi daulat ka jhanda lehraya jaata hai

Rajneeti ki bhains ke liye daulat ki lathi ki zaroorat hoti hai

Paise ka lalach ek aisa bhanwar hai ... jis mein imaandari, dosti, rishtedari ... sab doob jaate hai

Yeh daulat bhi kya cheez hai ... jiske pass jitni bhi aati hai ... kam hi lagti hai

Rupaiyon mein woh taqat hai ... ki imaandar se imaandar insaan ki bhi neeyat bighadte derr nahi lagti

Daulat ki jung mein toh sab jayaz hai

Daulat insaan ki zaroorat hoti hai ... lekin agar woh kamzori ban jaye, toh phir musibat ban jaati hai

Lalach ki zameen par daulat ki fasal kabhi nahi ughti

Supari ka paisa kha jaane wale ko ... Shiva supari ki tarah kha jaata hai

Noton ki gaddiyan mooh mein lekar bhaunkne waalon ki ... hum mein koi parwah nahi

Is duniya mein sabse taqatwar bhagwan paisa hai paisa ... chahe jitna bada gunaah karlo, jurm karlo ... noton ki chaddar mein sab kuch dhak jaata hai

Daulat se tu mahal khareed sakta hai, gaadiyan khareed sakta hai, chaaplusi karne waale dost khareed sakta hai ... magar gaaliyon mein duayen dene waala yeh baap nahi khareed sakta

Maine is duniya mein bahut saare logon ko daulat aa jaane ke baad apna ghar badalte dekha hai, halaat badalte dekha hai, kapde badalte dekha hai ... maa baap badalte kisi ko nahi dekha hai

Daulat se kai zyada ooncha darja us insaan ka hota hai ... jiske usool aur adarsh oonche ho ... aur jinhe banaye rakhne ke khatir woh badi se badi qurbani de sakta hai