dialogues for Tag: Inspiration

Duniya mein aaise aaise heere paida huye hai, jinhone sari duniya ka naksha hi badal diya ... kyun ki yeh duniya ko apni alag nazar se dekh paaye

East or west never rest until you find the best

Kal kisi ne nahi dekha hai ... aur kya pata kal aaye ya nahi aaye ... aur main apna har kal aaj mein badal doonga

Zindagi mein koi na koi cheez toh honi chahiye joh jeene ka bahana bani rahe

Agar woh ladki tumhare liye hai, toh then nothing on earth can keep her from you ... aur agar woh ladki tumhare liye nahi hai, then nothing on earth can bring her to you

Bina khaddon ke raste nahi hote ... aur bina dukh ke zindagi

Sooch hamesha zinda rehti hai

Aage ka raasta dhoondne ke liye kabhi kabhi ... chaar kadam peeche jaana padta hai

Hum apni kamzori ko agar kamzori samajhna chhod de ... toh duniya bhi usse kamzori nahi samajhti

Style sikhaya ja sakta hai ... saadgi yah simplicity nahi

Jab tak haar nahi hoti na ... tab tak aadmi jeeta hua rehta hai

Ek Catholic aurat Pradhan Mantri ki kursi ek Sikh ke liye chod deti hai ... aur ek Sikh Pradhan Mantri pad ki shapath ek Muslim Rashtrapati se leta hai ... us desh ki bhag daud sambhalne ke liye jisme assi pratishad log Hindu hai

Happy hone ke liye famous hone ki kya zaroorat hai?

Khushi kisi manzil ko haasil karne mein nahi ... safar mein hi khushi hai

Jisse jitni door jaana hota hai ... safar utni hi jaldi shuru karna padta hai

Joh kuch nahi karta ... uska kuch nahi hota

Upar waale ne har insaan ko kisi na kisi hunar ya kabiliyat se nawaza hai ... agar hum usse pehchaan le toh kamyabi kahin bhi hasil ho sakti hai

Kabhi kabhi do kahaniyan judh jaati hai aur ek nayi kahani banti hai ... aur kabhi ek hi kahani mein kahi choti choti kahaniyan chupi hoti hai ... lekin badi ho ya choti ... har kahani mein kahi chote chote modh, pal aur maiyne hote hai ... aur inhi se har kahani judhti hai, mudti hai, banti hai aur badti hai

Kisi bhi badi uljhan se nikalne ka sach hi raasta hota hai

Agar hamari kismat mein jeetna likha hoga toh hum jeetenge ... lekin hum haarne tak haar nahi manenge

In life, life counts!

Dharm wohi hai joh matti se janam leta hai ... dharm wohi hai joh tumhari buddhi se janam leta hai ... dharm wohi hai joh tumhare dil, tumhare mann ko sachcha lagta hai ... dharm wohi hai joh tumhari aatma ko sachcha lagta hai

All good things have to come to an end ... for better things

Is duniya mein aage badne ka ek hi tareeka hai ... kisi ko bhi apne se bada mat samjho ... phir yeh duniya tumhari hai

Jeetna bhi ek aadat hoti hai ... joh dheere dheere aati hai

Aadmi budha tab hota hai ... jab uske andhar jeene ki ichcha khatam ho jaati hai

Tu sad-sad kyun hai, happy-sad kyun nahi ... hum sad kyun hote hai ... kyun ki mann bhaari hai, heavy heavy ... mann kab heavy heavy hota hai ... jab mann ko koi hurt karta hai ... mann ko kaun itna hurt kar sakta hai ... joh mann ke very very close hota hai ... mann ke very very close kaun hota hai ... jiske saath mann very very happy feel karta hai ... happy tha, is liye sad hai na ... so be happy-sad, not sad-sad

Is team ko sirf woh players chaiye jo pehle India ke liye khel rahe hain, India ... phir apni team mein apne saathiyon ke liye ... aur uske baad bhi agar thodi bahut jaan bach jaye toh apne liye ... state government ki naukri ya railway flat ke liye nahin

Maine kaha tha na, team banane ke liye taakat nahi ... niyat chahiye

Jo nahin ho sakt ... wahi tho karna hai

Sattar minute, sattar minute hai tumhare paas ... shayad tumhari zindagi ke sabse khaas sattar minute ... aaj tum achcha khelo ya bura, yeh sattar minute tumhe zindagi bhar yaad rahenge ... toh kaise khelna hai aaj main tumhe nahi bataonga ... bas itna kahoonga ke jao aur yeh sattar minute jee bharkar khel lo ... kyun ki iske baad aane waali zindagi mein, chahe kuch sahi ho ya na ho, chahe kuch rahe ya na rahe, tum haaro ya jeeto ... lekin yeh sattar minute tumse koi nahi cheen sakta, koi nahi ... toh maine socha ki is match mein kaise khelna hai aaj main tumhe nahi bataonga, balki tum mujhe bataoge khel kar ... kyun ki main jaanta hoon ki agar yeh sattar minute is team ka har player apni zindagi ki sabse badiya hockey khel gaya ... toh yeh sattar minute khuda bhi tumse vapas nahi maang sakta ... toh jao, jao aur apne aap se, is zindagi se, apne khuda se aur har us insaan se jisne tumhe tum par bharosa nahi kiya apne sattar minute cheen lo

Vaar karna hai toh samne waale ke goal par nahi ... samnewaale ke dimag par karo ... goal khud-ba-khud ho jayega