dialogues for Tag: Inspiration

Lehron ke saath toh koi bhi tair leta hai ... par asli insaan woh hai joh lehron ko cheerkar aage badta hai

Guzarta hua waqt bade se bade masle ko suljha deta hai

Ummeed ka diya toh zindagi ka diya bujhne ke baad hi bujhta hai

Meri maa ne kaha tha ... ki jab bhi koi buzurg tum par haath uthaye, toh uska jawab muskurakar dena

Yeh zaroori nahi ki tum ek behtar samaaj mein pehda ho ... zaroori yeh hai ki doosro ko tum ek behtar samaaj dekar vida lo

Giro saalo giro, lekin giro toh us jharne ki tarah ... joh parbat ki oonchai se girke bhi apni sundarta khone nahi deta ... zameen ke teh se milke bhi apni astitva ko narth nahi hone deta

Buraiyon se ladte ladte joh log mar jaate hai ... unki maut ko maut nahi ... shahadat kaha jaata hai

Insaan paison se nahi ... parvarish se bada hota hai

Anyay kabhi karna mat ... aur uske samne jhukna bhi mat

Aadmi issi mitti se banta hai, issi par jeeta hai, issi ke liye ladta hai aur aakhir mein ... issi mitti mein mil jaata hai

Apne maqsad mein kamyaabi haasil karne ke liye ... taqat se zyada himmat ki zaroorat hoti hai

Shor lehron ki aadat hoti hai aur khamoshi chattanon ki taqat ... lehren awaaz toh bahut karti hai ... magar chattanon se takrakar toot jaati hai

Mitt nahi sakti insaaniyat, mitte chahe insaan ... gupt neeti chalaye jitni chahe haivaan ... kehti hai yeh dharti, kehta hai aasman ... dharm rakshak hai sabse hi mahaan

Hum hi hum hai toh kya hum hai ... tum hi tum ho toh kya tum ho

Insaan apni umar se, apne aaude se chota bada ho sakta hai ... lekin haqeeqat mein insaan apni bahaduri se, apne kaam se chota bada hota hai

Sirf daulat kamane se kuch nahi hota hai ... aadmi kamana bhi zaroori hota hai

Bahut bada durbhagya hai is desh ka ... jahan charitra aur naitikta jaise oonchi aur keemti cheezon ko insaan ke jism ke do inch ke hisse se naapa jaata hai ... charitra toh mannsa, vaacha, karmana hota hai ... jiska mann shudh ho, vichar shudh ho, ache bol bolta ho, ache kaam karta ho ... wohi charitravan hota hai

Gunde toh ungliyon par ginne ja sakte hai, phir bhi yeh gunde hum karodon par raj karte hai ... kyun? ... sirf is liye ki hum mein se har insaan yeh sochta hai ki woh akela kya kare ... woh yeh kyun nahi sochta ki hum sab milkar kya nahi kar sakte

Woh zindagi hi kya jis mein koi namumkin sapna na ho

Agar zindagi mein kuch paana chahti ho, toh kuch khona seekho ... agar upar uthna chahti ho, toh thoda jhukna seekho ... agar kisi se jeetna chahti ho, toh usse haarna seekho

Hum zindagi se naraaz ho jaye toh zindagi ko toh kuch bhi farak nahi padta ... woh toh chalti hi rahegi ... hum mein zindagi se kuch khushiyan churani hai

Lohe ke darwaze taqat se tootte na tootte ... akal se khule zaroor ja sakte hai

Har mumkin pehle namumkin hi hota hai ... aur har haqeeqat pehle khwaab hi hoti hai

Joh chala gaya usse bhool ja ... joh aa raha hai usse pyar kar

Agar halaat ke ghulam banoge na, toh duniya tumhe kutta samajhkar laat maregi ... lekin agar halaat ko apna ghulam banaoge na, toh duniya tumhe sher samajhkar salaam karegi

Duniya uske liye lutao jiski duniya sooni hai

Jhoot ke kaale badal suraj ko kitna bhi dhak le ... ek din ujaala hokar hi rahega

Mehnat se mile daulat toh Allah ki rehmat hai ... mile haraam ki toh shaitan ki laanat hai ... peeth par maarkar apno ke khanjar joh mile daulat ... arre woh laanat hai, woh laanat hai, woh laanat hai

Shikast humne kabhi dekhi nahi ... jeet-e-jee hum kabhi mare nahi

Apni hi karni ka phal hai naiki aur ruswaiyan ... aap hi ke sang chalengi aap ki parchaiyan

De shiva var mohe, shubh karman se kabhoo na hatton ... na daroon bairi sauh jab chahe ladoon, nishchay kar apni jeet karoon

Poornta se pal pal jeene ko hi asli jeevan kehte hai ... aur poornta se jeene waalon ke liye kabhi maut nahi hoti