dialogues for Tag: Family

Apne raaste se kaanto ko hata dena aur dushmano ko mita dena ... hamare khandan ki parampara hai

Fail hona aur padhai na karna ... hamare khandaan ki parampara hai

Apno ko milne ke liye time nikalna padta hai

Tum ek achche khandan ki bigdi hui nasamajh aulad ho

Arre kaka main toh kaka ban gaya

Roop rang mein gori ho chahe kaali ho ... khushnaseeb woh jija hai jiski saali ho

Khandaan, maan maryada, shaan-o-shaukat, rutba aur vakaar ... sadiyo ki mehnat aur mushakat ke pasine aur zindagi ki kash-ma-kash ke baad banta hai

Sirf khoon ke rishtey se koi bhai nahi ho jata ... bhai ek adarsh hota hai, mujrim nahi ... bhai Ram hota hai, Ravan nahi

Pyar dhan, daulat, khandan nahi ... sirf dil dekhta hai

Aap iske khandan ke baare mein nahi jaante ... iska par-dada 009, iska dada 008, iska baap 007 aur yeh zero zero chakka (006) hai

Sainik hona ek desh ka sipahi hona hi nahi hai ... sainik hona ek shahadat hai, ek qurbani hai, balidaan hai ... aur sainik ke ghar waale sainik se bhi badhe shaheed hote hai

Pardes mein agar apne saath ho na ... toh desh ban jaata hai ... varna desh bhi pardes lagta hai

Tum hamari sari daulat lootkar le jaate toh hum mein koi gham nahi hota ... tumne hamare pariwar ka pyar aur vishvas loota hai ... khoon kiya hai tumne hamari bhavnao ka

Aashirwad toh main usse aaisa doonga ... ki mera aashirwad uske liye hi nahi ... balki uske khandan ke liye abhishap banke reh jayega

Wah, kya saas ho tum ... abhi tak bahu ke haath ki mehandi nahi chhooti ... aur tumne apna rang dikhana shuru kar diya

Hum us desh ke waasi hai jis desh mein Ganga behti hai ... aur jis desh mein bahu apne saas sasur ke samne sar par pallu daal ke rehti hai

Gareeb ka gareeb se toh woh rishta hota hai ... joh bhai ka bhai se nahi hota ... bete ka baap se nahi hota

Ek door ka chacha hai aur ek mooh boli bhabhi ... door ka chacha mujhse door hi rehta hai ... aur mooh boli bhabhi kabhi mujhe mooh nahi lagati

Asli daulat gadiyaan, bungley, bank balance, kutte, billiyaan nahi hote ... asli daulat woh hamare apne hote hai

Bade ghar ka damaad banna, jaise topi ko sar se utaar ke pairo mein pehenna

Dhande mein koi kisika bhai nahi, koi kisika beta nahi

Kaale bazaar ke andhere mein kisi ki shakal nazar nahi aati ... na kanoon ki, na sachchai ki, na rishteydaro ki aur na aulad ki

Aankh ke badle aankh, haath ke badle haath, jaan ke badle jaan ... aur bhai ke badle behen

Jab insaan jawan hota hai toh usse samaaj aur society ki parvah hoti hai ... shaadi ke baad usse biwi bachon ki fikar hoti hai ... aur budhape mein toh sare parivar ki ... yahi toh insaan ki kamzori hai, yahi jeevan sangram hai ... jis mein rakht aur maas ka sangharsh nafrat aur mohabbat ke saath zindagi bhar chalta rehta hai

Siyasat ki duniya mein maa, baap, bhai, behen, beti, damad koi kuch nahi hota ... kyun ki aadmi jab upar uthna chahta hai, tab yeh sab rishtey aur jazbaat bojh bankar usse neeche ghaseet lete hai

Jab aulaad jawaan ho jaati hai na ... tab naukrani ki nahi ... bahurani ki zaroorat hoti hai

Sharif ghar ki ladkiyan ... apne maa baap ki izaazat ke bagair khwab tak nahin dekhti

Patni ka ghamand hota hai uska pati ... aur tum us ghamand ko kayam rakhane ke liye pati ki khushi mein apni khushi talash karna ... issi mein ek sukhi pariwar ki zamanat chupi hui hai

Aaj se tum hamare dost ho, saathi ho, bhai ho

Har ladki apne maikke ki chaya chhodkar sasural mein aati hai ... agar maa baap ki jagah saas sasur lele ... toh sasural mein maikke ki kami nahi hoti

Musalman ke yahan parvarish, Hinduon se dosti aur angrezon ke shaunk rahe hai mere

Tu sharaab ki botal hai ... tujhe peekar log apne aap aur apne khandan ko gaaliyan dete hai