dialogues for Tag: Romance

Daulat se insaan keemti bistar khareed sakta hai, magar neend nahi khareed sakta ... daulat se insaan roti khareed sakta hai, magar bhook nahi ... daulat se insaan jism khareed sakta hai, magar sacha pyar nahi khareed sakta

Atma toh pehle hi kisi aur ki ho gayi hai ... reh gaya yeh shareer, isse bhagwan ko arpan kar dete hai

Meri mohabbat ek chutki bhar sindoor ki mohtaj nahi

Jab dil se dil ka milan hota hai ... toh zubaan nahi dil bolte hai, dhadkane bolti hai, ehsaas bolte hai

Tan-e-tanha zindagi se bezaar, ek ladki se kiya pyar ... usse mila na iqraar, na bani woh dildar ... bas yeh cigarette hai wafaadar, woh bhi hai baldaar

Mohabbat ka naam aaj bhi mohabbat hai ... yeh na kabhi badli hai aur na kabhi badlegi

Koi bhi ullu ka patha sirf ek angoothi pehanakar tumko mujhse nahi cheen sakta ... tum meri ho, sirf meri

Toh kya hua agar maine jhoot sirf tumhe paane ke liye kaha tha ... toh kya hua agar tumhare chehre ke sivah mujhe koi aur chehra dikhai nahi deta ... toh kya hua agar tumhare naam ke sivah mujhe koi aur naam yaad nahi rehta ... toh kya hua agar yeh awara tumhe deewano ki tarah pyar karta hai ... toh kya hua ... pyar sab kuch toh nahi hota na

Agar yeh tujhe pyar karti hai toh yeh palat ke dekhegi ... palat ... palat!

Tumhari jaisi ladki ke saath, mere jaise ladke ka hona ... bahut zaroori hai

Ishq karna toh lagta hai jaise maut se bhi badi ek saza hai ... kya kisi se shikayat kare hum, jab apni taqdeer hi bewafa hai

Pyar karne waale kisi ke mana karne par kab ruke hai ... yeh dil toh pagal deewana hai, yeh toh pyar karega ... yeh na kabhi dara hai duniya se, na kabhi darega

Pyar jab bagawat par utar aata hai ... toh koi taqat usse nahi rok sakti ... na insaan ki, na kudrat ki

Revolver se zyada khatarnak cheez agar koi hai ... toh woh hai tumhari aankhen

Pyar ka badla pyar aur dosti ka badla dosti ... yeh mera usool hai

Train mein safar kiya, plane mein safar kiya, caron mein safar kiya ... magar kisi bhi safar ka itna mazaa nahi aaya jitna in baahon ke safar mein aa raha hai

Jab dillagi dil ki lagi ban jaati hai ... toh patthar dil bhi pighal jaate hai

Dil se nikli awaaz dil tak zaroor pahunch jaati hai

Mohabbatein karna aur mohabbaton ko jeetna ... yeh toh hamara kaam hai

Sab kuch khuda se maang liya tujhko maangkar ... uthte nahi hai haath mere is dua ke baad

Aankhen andar ka haal bata deti hai ... sirf padne wali nazar honi chahiye

Pyar ki bhasha toh achche achche patthar dilon ko phigla deti hai

Woh shaadi hi kya teri dawat nahi jis mein ... aur woh aag hi kya teri soorat nahi jis mein

Pyar mein woh divya shakti hai joh patthar ko bhi maum bana de

Aaj pehli baar koi ladki ... hamari car ke front seat pe behti hai

Kyun ... hum aapke hain kaun?

Log kehte hai khoobsurat ladkiyan jab jhoot bolti hai ... toh aur bhi khoobsurat lagti hai

Mohabbat mere dost, aag bhi lagati hai un dilon ko ... jin mein mohabbat ke chirag jalte hai

Pyar toh usne kiya, humne to bas dillagi ki

Yeh aankhen, yeh chehra, yeh noor ... insaan ho ya pari ho tum

Dilwale toh bahut dekhe, lekin pyar mein joh pagal ho jaye ... aise dilwale ko aaj pehli baar dekha

Pachees se tees baras tak ki umar ka pyar ... pukhta, sanjeeda, kisi bade maidan ke seene par behte hue dariya ki tarah gambhir aur shaant hota hai ... aur bees se ekkees ki umar mein ... kisi oonchi pahadi se girta hua apsar ki tarah gungunata hua, athkeliyan sa karta hua ... aur pandra se solah ki umar mein ... paakh, bechain, apne ird-gird ki har cheez se laparwah ... bilkul aapki tarah