dialogues for Tag: Business

Khatron se khelna hamara business hai, hamara karobar hai ... hamare paas maut ki factory hai ... hum maut banate jaate hai aur society mein bechte jaate hai

Hamare dhande mein aasunyon ke saath koi rishta nahin hota

Hamare dhande mein jazbaat aur rishtey nahi dekhe jaate

Business mein main dosti nahi paala karta

Koyle ki dalaali mein haath kaale ho jate hai ... magar kaala dhanda karne waalon ke toh mooh bhi kaale ho jate hai

Har paida hone waale ko marte waqt kafan pehenna padta hai ... vaise hi har kaale dhande karne waale ko hathkadi pehenni padti hai

Jab raajneeti pesha ban jaati hai, vyapar ban jaati hai ... toh kursi desh se badi ho jaati hai

Draupadi teri akele ki nahi hai ... hum sab shareholder hai

Kisi ka fayda, kisi ka nuksaan ... kisi ka nuksaan, kisi ka fayda ... issi ka naam duniya hai

Hindustani businessman ki ek bahut badi khoobi hai ... woh kam se kam paisa dekar achche se achcha result maangta hai

Hum apne dhande mein jis kisike saath taluk rakhte hai ... uski agli, pichli, sari zindagi ka hisaab kitaab apni kitaab mein rakh lete hai

Logon ki kismat mein toh lutna hi likha hai ... amir gareebon ko lootte hai, vyapari grahakon ko lootte hai aur neta janta ko lootti hai ... sabhi toh sabko lootte hai ... kalyug mein yahi hota raha hai aur yahi hota rahega

Hamari organization ko insaanon ki nahi ... balki kaam karne waalon ki zaroorat hoti hai

Hum vyapar aur pyar ko kabhi ek saath nahi milate

Main paanch lakh ka sauda karne aaya hoon ... aur meri jeb mein paanch phooti kaudiyaan bhi nahin hai

Apun ke dhande mein aadmi ko dhande se nahi pehchanta ... lekin uska kaam karne ke style se pehchanta hai

Aaj ke zamaane mein toh baimaani hi ek aaisa dhanda reh gaya hai ... joh poori imaandari ke saath kiya jaata hai

Achche khareedar hamesha sauda karne se pehle ... doosre ki keemat ka andaza lagate hai

Sher Khan kaale ka dhanda karta hai ... lekin imaandari se

Tumhe dekhte hi mere dil ka diwala aaisa nikal gaya hai jaise kisi satodiya ka nikal jaata hai ... aur mere jeevan ka karobar poora beh gaya hai ... yeh tabhi chalega jab tum apne prem ka finance mujhe dogi

Mazhab aur karobar do alag alag cheezein hai ... inko mix karne waala hamesha bhookha marta hai

Zindagi hazaron karvatein badalti hai ... aur ek din aapki zindagi ek aaisi karvat badlegi ... jiski lapet mein aakar aap apna tamaam business bhool jayenge

Yahan ka har sauda raat ke andhere mein hota hai

Maine zindagi mein prem ka karobar bahut dino tak kiya hai ... lekin prem sirf ek baar

Import export ka matlab hai idhar ka maal udhar aur udhar ka maal idhar