dialogues for Tag: Happiness

Haraam ki daulat insaan ko shuru shuru mein sukh zaroor dilati hai ... magar baad mein le jaakar ek aaise dukh ke sagar mein dhakel deti hai ... jahan marte dum tak sukh ka kinara kabhi nazar nahi aata hai

Insaan ko na kuch paane ki khushi honi chahiye aur na kuch khone ka gham

Doosron ki khushi ke liye jeena hi zindagi hai

Ek aurat apne pati ki gareebi mein khush reh sakti hai ... uske aeb seh sakti hai ... lekin uski kayarta nahi seh sakti

Mogambo khush hua

Khushiyan toh insaan har kisi ke saath baant sakta hai ... lekin apne dukh usse apne dil ke andhar hi rakhne padte hai

Har ek aadmi ke saath kahi log hote hai phansi ke takhte par, koi akela nahi hota phansi ke takhte par ... uske saath us phande par dum todhta hai uski biwi ka suhaag ... uske bachon ka bhavishya ... uske ghar mein basne waali ek ek khushi ... uske aagan mein utarne waali ek ek kiran ... sabko ek saath phansi ho jaati hai

Aapne mujhe woh sab diya jise bazar se khareed ke ek ghar mein sajaya ja sakta hai ... magar woh sukh kabhi nahi diya jise ek dil mein sajaya ja sake

Kiya aaj maine akalmandi ka kaam ... ticket lottery ka liya aur paya inaam ... sunke tum log hoge khushi se naach ... inaam mein mile mujhe rupai paanch

Is ghar mein us waqt tak koi khushi nahi ho sakti ... jab tak hum dushman ke ghar mein khushiyon ke chiragon ko gham ke andheron mein na badal de

Tumhari khushi ke liye ... jeena hi meri zindagi hai

Is dil ne itne dukh uthaye hai ... ki sukh dokha lagta hai

Joh mazaa apne bete ko jawan hote dekhkar aata hai ... woh apni jawani mein bhi nahi aata tha

Tumhari yeh baat sunkar mera dil Hyderabad ki tarah aabad ho gaya

Milna bichadna jeevan ki reet hai ... do pehlu hai ... ek gham ka doosra khushi ka

Kabhi kabhi khushi ke khatir gham ko gale lagana padhta hai

Dukh aur sukh ki tarah galatiyan bhi aadmi ke muqadar mein likhi hoti hai ... galatiyan karke joh pachtata hai wohi insaan kehlata hai

Ek amir jab marta hai toh peeche sukh chain chhodkar jaata hai ... lekin ek gareeb jab marta hai toh dukh dard chhodkar jaata hai

Do lafz hai ... tanha, akele ... lekin ek saath likh diye jaye toh ek duniya, ek kainaat, ek talash, ek lamha, ek khushi ban sakte hai

Pati ke ghar ka dukh bhi maikay ke sukh se meetha hota hai

Patni ka ghamand hota hai uska pati ... aur tum us ghamand ko kayam rakhane ke liye pati ki khushi mein apni khushi talash karna ... issi mein ek sukhi pariwar ki zamanat chupi hui hai

Ab toh baat hi baat hai, har taraf chandni raat hai, khushiyon ki barsaat hai, tera aur Kavita ka zindagi bhar ka saath hai, teri aane waali baraat hai, sari jaidaad apne haath hai ... aye kabootar rone ki kya baat hai?

Sacha sukh tabhi milta hai jab kisi aur ki asha poori ho ... aur apni aatma ko santosh mile

Kisi kisi dukh ke peeche ek bada sukh chupa hota hai

Pyar, khansi aur khushi ... chupaye se chupte hai kya

Sukh toh bewafa hai ... chand dino ke liye aata hai aur chala jaata hai

Chashm-e-baddoor gar khush qadoqamat hogi ... aaj fitna hai chand roz mein qayamat hogi

Kisi ki shab-e-vasl haste kate hai, kisi ki shab-e-hijr rote kate hai ... hamari yeh shab kaisi shab hai ki ya rab, na haste kate hai na rote kate hai

Yeh aasoon bhi bade baimaan hote hai ... na gham chupane dete hai, na khushi

Sukh na rahe toh dukh apas mein milkar baant lena chahiye

Shaadi ek yagya hota hai ... jis mein aadmi ko sukh paane ke liye apne ahankar ki aahuti deni padti hai

Agar dukh na ho ... toh aane wale sukh ka aadmi maza bhi nahi le sakta