dialogues for Tag: House

Koi bole Ram-Ram, koi khudaye, koi sevegosaiya, koi alaye ... rab ko manne ke tarike aur jagah alag alag ho sakte hai ... par rab ka ghar ek hi hota hai

Jab sulphate, oxygen, nitrogen aur hydrogen in chaaron ko ek cylinder mein bhar do na ... toh choola nahi ghar jalta hai ... blast hota hai blast

Ghar science se nahi ... home science se chalta hai

Tumhe pata hai parindo aur insaano mein kya farak hota hai ... parindo ko sone ke liye jitni jagah chahiye hoti hai ... utna hi bada ghosla banate hai ... aur insaan apne aashiyane se kabhi khush nahi hota ... usse aur bada banana chahta hai

Jab deewaron se zyada doori dilon mein ho jaye ... toh chatt nahi tikti

Jag mein kho jaane waale toh kabhi kabhi mil bhi jaate hai ... lekin joh apne hi ghar ke aangan mein kho jaaye ... woh itni aasaani se nahi milte

Ghar mein hai bas chhe hi log ... chaar deewarein, chatt aur main ... raat sahuli ek saheli, gora chitta din hai dost ... ghar mein hai bas chhe hi log ... tehelne nikle tanha parchai, main bhi uske peeche chaloon ... neele ambar ke kagaz par panchi hokar chitra banoon ... indradhanush ki tirchi daali par chipki geeli geeli aus ... ghar mein hai bas chhe hi log ... chaar deewarein, chatt aur main

Main roz prarthana karta hoon ... ke mere ghar bhikari aaye, mere badan mein bimari aaye ... par tu kabhi na aaye

Jaise English mein saboot ko proof kehte hai ... ghar ki chhat ko roof kehte hai ... vaise hi har language mein aap jaison ko bewakoof kehte hai

Kya house hai, kya blouse hai, kya aapka koi spouse hai?

Yeh tere ghar damaad nahi ... bahu layegi ... bahu

Ghar ghar ki kahani vulgar ki rani ho gayi hai

Zyadatar insaan pehda hota aam hai, jeeta aam hai, marta aam hai ... bade parde pe ya duniya mein na sahi ... kam se kam usse apne ghar pe, apne apno ke nazaron mein toh hero hona chahiye

Wahi taj hai, wahi takht hai, wahi zehar hai, wahi jaam hai ... yeh wahi khuda ki zameen hai, yeh wahi bhuton ka nizam hai ... bade shauk se mera ghar jalaa, koi aanch tujhpar na aayegi ... yeh zabaan kisi ne khareed li, yeh kalam kisi ka ghulam hai

Hamari country mein jab tak black nahi diya toh naya ghar nahi khareed sakte ... dahej nahi diya toh shaadi nahi hoti

Jhoparpattiyo mein toh sirf umeedein palti hai ... aur sapne ... sapne toh sirf achche ghar mein hi poore hote hai

Jab tak baithne ke liye na kaha jaaye sharafat se khade raho ... yeh police station hai tumhare baap ka ghar nahi

Idhar ameeron ke liye na ... ladki ek cheez hai aur gareeb ek joke ... gareebon ko saala rehne ke liye kholi nahi milti ... udhar ameeron ke teen teen duplex flats khali pade rehte hai ... kyun ki woh yede foreign mein jaake rehte hai

Mehnat se sirf ghar bante hai ... sapno ke mahal nahi

Badhe sheharon mein logon ke ghar hi nahi ... dil bhi bahut chote hote hai

Issi ghar mein aayegi aap ki doli ... and wishing you a very happy Holi

Apun ka khopi ka jhopdi satka na ... toh tera hasti ka basti mitt jayega

Khush naseeb hote hai woh bete jinke ghar mein aaisa baap pehda hota hai

Apne ghar mein kutta bhi sher hota hai ... lekin sher har jagah sher hota hai

Bag uthakar padne gaya toh master ne kaha school chhod de ... bat ball uthakar mohalle mein gaya toh bachchon ne kaha khelna chhod de ... scooter uthakar ghar se bahar gaya toh padosi ne kaha Malad tak chhod de ... aur aaj papa ne kaha ghar hi chhod de

Din mein karobaar ... raat ko gharbaar

Slumdog ka pata nahi ... lekin yeh kisi millionaire ka ghar lagta hai

Everything that's in the house is on the house

Hum baar baar tere dar pe aayenge ... aur ghanti bajake bhaag jayenge

Na jaane badalon ke darmiyan kaisi saazish hui ... mera ghar mitti ka tha, mere hi ghar baarish hui

Mere ghar mein kaun nagina hai kaun kamina hai?

Tere paas bungla hai, gaadi hai, bank balance hai, sab kuch hai ... lekin mere paas maal hai