dialogues for Tag: Weather

Naav toofan mein hai paar utarne ke liye ... hausla shart hai duniya se guzarne ke liye

Mausam baimaan hai, nasha barsa raha hai ... tumse dil lagane ko jee chah raha hai

Jin toofano mein tum jaiso ke jhopde udh jaaya karte hai ... hum unhi toofano mein apne kapde sukaya karte hai

Apni kursi ki peti baand lo ... mausam bighadne wala hai

Mausam aur insaan jab milkar galati karte hai na ... toh it's a sure shot recipe for disaster

Pyar kisi ke liye gehra bhanwar hai, le doobta hai ... aandhi hai, toofan hai, shola hai ... aur kisi ke liye pyar naav jaisa, paar laga deta hai ... khamoshi hai, nazm hai, thandi hawa ka jhaunka hai

Kuch nahi hai magar hai sab kuch bhi ... kya ajab cheez hai yeh kaagaz bhi ... baarishon mein hai naav kaagaz ki ... sardiyon mein alaav kaagaz ki ... aasman mein patang kaagaz ki ... saari duniya mein jung kaagaz ki

Tum log barsaat ke un kaale badalon ki tarah ho joh ekkhatta ho jaye toh suraj ko bhi dhak dete hai ... lekin kataye baarish ho jaye, dhuaan ho jaoge ... suraj toh yahin rahega

Zyada bhala na bolna ... zyada bhali na choop ... zyada bhala na barasna ... zyada bhali na dhoop

Jab pehli baar usse mulaqat hogi ... saari duniya reh jayegi sookhi lekin tere sar par halki halki barsaat hogi

Nobody is virgin in this world ... yahan tak ki kudrat bhi virgin nahi hai ... updar baadal ek doosre se chhedkhani karte hai ... neeche hum bheeg jaate hai ... kehte hai baarish ho gayi

Bhala kya mel hai mera tumhare saath huzoor ... yahan pe bijli, toh haddi yahan par atki hai

Aaj is bhatakti khushboo ko thikana de do ... main agar baarish hoon toh tumpe toot jaane ki izaazat de do

Toofan kisi waqt ka mohtaj nahi hota ... unka toh jab mann kiya aaye aur tabahi machakar chale gaye

Agar tera mera koi connection hai, toh agli baar jab baarish hogi ... hum apne aap mil jayenge

Kaun kambhakt hai joh sharaab peeta hai ... hum toh peete hai ki is bhayanak thand ko bardaash kar sake

Ek hawa ka jhonka aaya toota dhaali se phool ... na pavan ki na chaman ki, kis ki hai yeh bhool

Aandhi roke toh hum toofan ... toofan roke toh hum aag ka dariya

Hai bahut andhyar, suraj nikalna chahiye ... ho kisi tarah se bhi, mausam badalna chahiye

Phasal barsaat se ughti hai ... badal ke garajne se nahi

Yere yere pausa, tula deto paisa ... paisa saala khota, paus aala motha

Na jaane badalon ke darmiyan kaisi saazish hui ... mera ghar mitti ka tha, mere hi ghar baarish hui

Kapda hai bahut zyada par kameez bahut tang hai ... badal hai bahut zyada par baraste kitne kam hai

Lamhon ko toh guzarna hoga, aandhi ko toh chalna hoga ... main ek khayal hoon mujhe jaane do, khayal ka haath kaun pakadta hai

Global warming ke liye yahi kamina responsible hai

Koi hawa toh chale, koi patta toh hile ... kaun hai apna kuch pata toh chale

Duniya mein har cheez badalti hai ... mausam, rishtey, naseeb

Yahan har mausam se pyar hota hai ... aur har mausam mein pyar hota hai

Priya jab assi saal ki ho jayegi na ... I promise you main tab bhi usko itna hi pyar karoonga ... dhoop mein iska chashma banuga, baarish mein iska chaata ... kyun ki pyar ke sivah mujhko kuch nahi aata

Do cheezein mujhe pasand nahi hai ... garmi ka mahina aur AC mein pasina

Toofanon se guzaarish nahi ki jaati ... unka saamna kiya jaata hai

Kehte hain baarish ke baad ki dhoop bahut khoobsurat hoti hai